මිදිගම ව්‍යාපාරිකයෙකුගේ නිවසට මැදියම් රැයේ කඩා වැදුණු දෙන්නෙක් කරපුදේ.. ගේ ඇතුළෙන් ඇසුණු ශබ්දයෙන් මුළු පළාතම තැති ගනී.|Hiru TV Blog

මිදිගම ව්‍යාපාරිකයෙකුගේ නිවසට මැදියම් රැයේ කඩා වැදුණු දෙන්නෙක් කරපුදේ.. ගේ ඇතුළෙන් ඇසුණු ශබ්දයෙන් මුළු පළාතම තැති ගනී.

Monday, 20 April 2026 - 11:17 | Views - 94

මිදිගම, යාහුවත්ත, ගංගොඩ ප්‍රදේශය අලුයම ඝෝෂාකාරී වෙඩි හඬකින් හෙල්ලීගිය පුවතක් අසන්නට ලැබුණා. ප්‍රදේශයේ ප්‍රසිද්ධ ව්‍යාපාරිකයෙකුගේ නිවසක් ඉලක්ක කරගනිමින් ඊයේ (19) රාත්‍රී 11.30ට පමණ මේ බිහිසුණු වෙඩි ප්‍රහාරය එල්ලවෙලා තිබෙනවා.

හෝටල් හා කායවර්ධන මධ්‍යස්ථාන හිමිකරුවෙකුවන සුපුන් විජේසේකර නැමැති 35 හැවිරිදි ව්‍යාපාරිකයාගේ නිවසට මේ ප්‍රහාරය එල්ලවෙලා තිබෙනවා.

යතුරුපැදියකින් පැමිණි සන්නද්ධ පුද්ගලයන් දෙදෙනෙකු නිවසේ ගේට්ටුව විවෘතකර ඇතුළුවී මුලින්ම එහි නතරකර තිබූ මෝටර් රථයට ගිනි තබා අනතුරුව නිවස දෙසට ටී-56 ගිනි අවියකින් පස්වතාවක් පමණ වෙඩි ප්‍රහාර එල්ලකර ඔවුන් සූක්ෂ්මලෙස පලාගොස් තිබෙනවා.

මීටපෙර මිදිගම පිහිටි කායවර්ධන මධ්‍යස්ථානය තුළදී මේ ව්‍යාපාරිකයා 'මිදිගම ලන්සි' නැමැති පාර්ශවය අතර ඇතිවූ ආරවුලක් ප්‍රහාරයට හේතුවූ බව පොලිස් මූලික විමර්ශනවලදී හෙළිවෙලා තිබෙනවා.

ප්‍රහාරයෙන් ජීවිත හානි කිසිවක් වාර්තාවී නොමැති වුවත්, ව්‍යාපාරිකයාගේ මෝටර් රථයට හා නිවසේ ස්ථාන කිහිපයකට දැඩි හානියක් සිදුවෙලා තිබෙනවා.

සැකකරුවන් හඳුනා ගැනීම සඳහා අසල පවතින CCTV දර්ශන පරීක්ෂා කරන අතර, මිදිගම පොලිසිය විසින් ප්‍රදේශය පුරා විශේෂ මෙහෙයුමක් දියත්කර තිබෙනවා.

පාතාල කල්ලි අතර ඇති ගැටුමක්ද යන්න පිළිබඳවත් පොලිසිය විශේෂ අවධානයක් යොමුකර තිබෙනවා.

Share This Article