අකුරු කරන්නට දූ දරුවන් යළිත් පාසලට.. 2026 නව පාසල් වාරය අද සිට ඇරඹෙයි!|Hiru TV Blog

අකුරු කරන්නට දූ දරුවන් යළිත් පාසලට.. 2026 නව පාසල් වාරය අද සිට ඇරඹෙයි!

Monday, 20 April 2026 - 10:03 | Views - 88

සිංහල හා දෙමළ අලුත් අවුරුදු නිවාඩුවෙන් පසු දිවයිනේ සියලුම රජයේ හා රජයේ අනුමත පෞද්ගලික පාසල්වල නව අධ්‍යයන කටයුතු අද (අප්‍රේල් 20) සිට යළි ආරම්භවුණා.

නිවාඩු සමයේ උදාවූ විවේකයෙන් අනතුරුව දූ දරුවන් යළිත් පාසල් වෙත පැමිණෙන්නේ 2026 වර්ෂයේ තීරණාත්මක පාසල් වාරයකට මුහුණදීමටයි.

අධ්‍යාපන අමාත්‍යාංශය නිකුත්කළ නිවේදනයට අනුව සිංහල හා දෙමළ පාසල්වල දෙවන පාසල් වාරය හා මුස්ලිම් පාසල්වල පළමු පාසල් වාරයේ සිව්වන අදියර අද ආරම්භ වනවා.

පසුගිය අප්‍රේල් 10 වනදා සිංහල හා දෙමළ පාසල්වල පළමු වාරය හා මුස්ලිම් පාසල්වල පළමු වාරයේ තුන්වන අදියර අවසන් කරමින් අවුරුදු නිවාඩුව ලබාදී තිබුණා.

මෙවර පාසල් වාරය ආරම්භයත් සමඟම 1 ශ්‍රේණියේ ඉගෙනුම ලබන දූ දරුවන් වෙනුවෙන් විශේෂ වැඩපිළිවෙළක් ක්‍රියාත්මකයි. 2026 වර්ෂයේ 1 ශ්‍රේණියේ II සහ III වන වාරවලට අදාළ ක්‍රියාකාරකම් පොත් (Activity Books) බෙදාහැරීම මේ වනවිටත් ආරම්භකර ඇතිබව අධ්‍යාපන අමාත්‍යාංශය පවසනවා.

එම පොත් බෙදාහැරීමේ කටයුතු අප්‍රේල් මස 30 වනදාට පෙර දිවයිනේ සියලුම පාසල් වෙත අවසන් කිරීමට සැලසුම් කරලා තිබෙනවා.

නව පාසල් වාරය ආරම්භයේදී දරුවන්ගේ සෞඛ්‍ය ආරක්ෂාව මෙන්ම පාසල් පැමිණීමේදී ප්‍රවාහන පහසුකම් පිළිබඳවත් අවධානය යොමු කිරීම වැදගත්.

විශේෂයෙන්ම අවුරුදු සමයේ ගම්බිම් බලාගිය ජනතාව යළි කොළඹ ඇතුළු ප්‍රධාන නගරවෙත පැමිණෙමින් සිටින බැවින්, මාර්ගවල පවතින තදබදය පිළිබඳවද සැලකිලිමත් වියයුතුයි.

සටහන: හිරු ප්‍රවෘත්ති ඇසුරෙන්.

Share This Article