ඔන්න දැන් ඒ සූදානමේ තීරණාත්මක අදියරක් ගැන පුවතක් විභාග දෙපාර්තමේන්තුවෙන් වාර්තා වෙනවා.
සෞන්දර්ය විෂයන්ට අදාළ ප්රායෝගික පරීක්ෂණ එළඹෙන 22 වැනිදා ආරම්භ වීමට නියමිතයි. මේ පරීක්ෂණ කටයුතු ලබන මැයි මස 4 වැනිදා දක්වා දිවයින පුරා පරීක්ෂණ මණ්ඩල 1,198 කදී පැවැත්වෙනවා. මෙවර විභාගය සඳහා අපේක්ෂකයින් එක්ලක්ෂ හැට දෙදහස් පන්සිය අසූ හත් දෙනෙකු (162,587) සුදුසුකම් ලබා ඇති බවයි වාර්තා වෙන්නේ.
මේ වන විටත් පාසල් අයදුම්කරුවන්ගේ ප්රවේශ පත්ර අදාළ පාසල්වල විදුහල්පතිවරුන් වෙත යොමු කර තිබෙනවා. පෞද්ගලික අයදුම්කරුවන්ට ඔවුන්ගේ ප්රවේශ පත්ර තැපෑල හරහා නිවෙස්වලටම ලැබෙන්න සලස්වා ඇති බවයි විභාග දෙපාර්තමේන්තුව පවසන්නේ.
ඔබට ලැබුණු ප්රවේශ පත්රයේ මොනයම් හෝ සංශෝධනයක් සිදු කිරීමට ඇත්නම්, ඒ සඳහා කාලය තිබෙනවා. විභාග දෙපාර්තමේන්තුවේ පාසල් විභාග සංවිධාන හා ප්රතිඵල ශාඛාව වෙත යොමු වී එම සංශෝධන කඩිනමින් සිදු කර ගන්නා ලෙසටයි බලධාරීන් දැනුම් දෙන්නේ.