අවුරුදු චාරිත්ර අස්සේ සුරාසැල්වලටත් නිවාඩු.. සුරාබදු දෙපාර්තමේන්තුවෙන් විශේෂ දැනුම්දීමක්!
සිංහල හා හින්දු අලුත් අවුරුදු උදාවත් සමඟ රටම උත්සව සිරියෙන් ඇළලී යන මේ මොහොතේ, ජනතාවගේ අවධානය යොමු විය යුතු වැදගත් පුවතක් සුරාබදු දෙපාර්තමේන්තුවෙන් වාර්තාවුණා.
අප්රේල් 13 හා 14 යන දෙදින තුළ දිවයින පුරා පිහිටි සියලුම මත්පැන් අලෙවිසැල් වසා තැබිය යුතු බව සුරාබදු කොමසාරිස් ජනරාල්වරයා නිල වශයෙන් ප්රකාශ කළා. අලුත් අවුරුදු සමයේ සාමය හා සංස්කෘතික වටිනාකම් සුරැකීමේ අරමුණින් මෙම පියවරගෙන තිබෙනවා.
උත්සව සමයේ පවතින ඉල්ලුම නිසා, නීතිරීති උල්ලංඝනය කරමින් මත්පැන් අලෙවි කිරීමට උත්සාහ කරන පිරිස් පිළිබඳව සුරාබදු නිලධාරීන් දැඩි විමසිල්ලෙන් පසුවෙනවා.
නීතිය කඩකරන ඕනෑම බලපත්රලාභියෙකුට එරෙහිව තරාතිරම නොබලා දැඩි දඬුවම් පමුණුවන බව සුරාබදු කොමසාරිස් පේමරත්න ප්රකාශ කළා.
නීතිවිරෝධී ලෙස මත්පැන් අලෙවිය හෝ ජාවාරම් කිරීම් මේ දිනවල සිදුවන්නේ නම්, ඒ පිළිබඳව වගකීම් සහගත පුරවැසියන් ලෙස බලධාරීන් දැනුවත් කරන ලෙස රජය ඉල්ලා සිටිනවා.
ඒ සඳහා 1913 යන ක්ෂණික ඇමතුම් අංකය පැය 24 පුරාම විවෘතව පවතිනවා.