බොන වතුරටත් 'කලපු වතුර' කලවම් වෙයිද? දැඩි පෑවිල්ලෙන් එන අලුත්ම කරදරය මෙන්න..
පවතින අධික රශ්මිය සහ දැඩි පෑවිල්ල නිසා අපේ රටේ ප්රධාන ගංගාවල ජල මට්ටම සීඝ්රයෙන් පහළ යමින් පවතින බව වාරිමාර්ග දෙපාර්තමේන්තුව අනතුරු අඟවනවා.
මේ තත්ත්වය නිසා ඉදිරියේදී අපේ පානීය ජල සැපයුමට පවා බාධා එල්ල වීමේ ලොකු අවදානමක් මතුව තිබෙනවා. කැලණි, කළු, නිල්වලා හා වලවේ වැනි ප්රධාන ගංගාවල ජල ධාරිතාවය මේ වන විට සැලකිය යුතු ලෙස අඩුවෙලා තිබෙනවා.
ගංගාවල වතුර අඩු වන විට මුහුදු ජලය ගොඩබිම දෙසට ගලා ඒම (Saltwater intrusion) නිසා පානීය ජල මූලාශ්රවලට ලුණු මිශ්ර වීමේ අවදානමක් පවතින බව වාරිමාර්ග අධ්යක්ෂ ඉංජිනේරු එල්. එස්. සූරිය බණ්ඩාර පැවසුවා.
දිවයිනේ ප්රධාන ජලාශ 73ක ජල මට්ටම මේ වන විට පවතින්නේ 75%ක මට්ටමේයි. මේනිසා දෛනික ජල අවශ්යතාව වගේම වගා කටයුතුවලටත් අවශ්ය ජලය සැපයීමට ඉදිරියේදී බාධා ඇති.
පවතින අඩු වැසි රටාව නිසා ජලය ඉතාම අරපිරිමැස්සෙන් කළමනාකරණය කරගැනීමට පියවර ගන්නා ලෙස බලධාරීන් ජනතාවගෙන් ඉල්ලා සිටිනවා. මේ දවස්වල වතුර පාවිච්චි කිරීමේදී දෙපාරක් හිතන්න අමතක කරන්න එපා.