ශ්රී මහා බෝ සමිඳු අභියසට දැයේ අස්වැන්න පූජා කරමු. 59 වැනි ජාතික අලුත් සහල් මංගල්යයට සියල්ල සූදානම්..
අනාදිමත් කාලයක සිට මෙරට ගොවි ජනතාව සිය අස්වැන්නෙහි අග්ර ඵලය බුදුන්ට පූජා කිරීමේ උතුම් චාරිත්රය ඉටුකරන ජාතික අලුත් සහල් මංගල්යය මෙවරත් ඉතා උත්කර්ෂවත් ලෙස පැවැත්වීමට සියල්ල සූදානම්කර තිබෙනවා.
අනුරාධපුර ඓතිහාසික ජය ශ්රී මහා බෝධීන් වහන්සේ අභියසදී පැවැත්වෙන මෙය මෙවර සනිටුහන් වන්නේ 59 වැනි ජාතික අලුත් සහල් මංගල්යය ලෙසයි.
මෙම උතුම් පුණ්ය කර්මය අප්රේල් 8 වැනි බදාදා හා අප්රේල් 9 වැනි බ්රහස්පතින්දා යන දෙදින පුරා පැවැත්වෙනවා. එදිනට දිවයිනේ සෑම ප්රදේශයකින්ම මහ කන්නයේ නෙලාගත් අලුත් සහල් පාත්ර පෙරහරින් වැඩම කරවනවා.
අස්වැන්නෙහි අග්ර ඵලය ශ්රී මහා බෝධීන් වහන්සේ උදෙසා පූජා කිරීමේ ප්රධාන උත්සවය අප්රේල් 9 වැනි බ්රහස්පතින්දා පෙරවරු 7ට ජනාධිපති අනුර කුමාර දිසානායකගේ සහභාගීත්වයෙන් සිදුකිරීමට නියමිතයි.
"අස්වනු අභිමනින් දැය සරු කරන ජාතික අලුත් සහල් මංගල්යය" යන්න මෙවර උළෙලේ තේමාව ලෙස තෝරාගෙන තිබෙනවා.