සිංහල අලුත් අවුරුද්ද එන්නත් කලින්ම මෙවර නැකැත් සිට්ටුවට අලුත්ම අංගයක් එක්වෙලා තියෙනවා. ඒ තමයි තෙල් වළං ලිප තබන නැකත.
මෙම සුවිශේෂී නැකත අද, එනම් 2026 අප්රේල් මස 05 වැනිදා ඉරිදා පූර්වභාග 11.08 ට යෙදී තිබෙනවා. රතු හා කහ මිශ්ර හෝ තඹවන් පැහැති වස්ත්රාභරණයෙන් සැරසී දකුණු දිශාව බලා ලිප් බැඳ ගිනි මොළවා තෙල් වළං ලිප තැබිය යුතු බව රාජ්ය අවුරුදු නැකැත් සිට්ටුවේ සඳහන් වෙනවා.
එළැඹෙන අලුත් අවුරුද්ද වෙනුවෙන් කැවිලි පිසීම ආරම්භ කිරීම මෙහි ප්රධාන අරමුණයි.
මෙය ඇත්තටම අලුත්ම නැකතක් නෙවෙයි. පැරණි ජන සම්ප්රදායේ 1863 වසරට පෙර මෙරට මුද්රිත ලිත් සම්ප්රදාය ආරම්භ වීමට පෙර ප්රාදේශීය වශයෙන් භාවිත වූ වටිනා චාරිත්රයක් බව ජ්යෝතිර්වේදීන් පවසනවා.
ආස්මී වැනි කැවිලි සකස් කිරීමට වැඩි කාලයක් අවශ්ය වන නිසා, අවුරුද්දට දින ගණනාවකට පෙර සිටම කැවිලි පෙති සකස් කිරීමේ අරමුණින් මෙම නැකත ශාස්ත්රානුකූලව නැවත හඳුන්වාදී තිබෙනවා.
විශේෂයෙන්ම මෙදින සියලුම කැවිලි සාදා අවසන් නොකරන අතර, එයින් සිදු කරන්නේ අලුත් අවුරුදු කැවිලි සැකසීමේ සුබ ආරම්භය සනිටුහන් කිරීම පමණයි. ඉතින් මෙවර අවුරුදු රස වැඩිකරන්න අදින් වැඩේ පටන් ගමු නේද?