රසකර කෑ මාළුපාන් ගෙඩියක් මැද බෝල්ට් ඇණයක්..
හැමෝම පොඩි බඩගින්නට ක්ෂණික ආහාරයක් ගන්න එක අපේ රටේ බොහෝ දෙනාගේ පුරුද්දක් වෙලා.
ඒත් ඒ ආහාරවල ගුණාත්මකභාවය ගැන ඔබ සැලකිලිමත් වෙනවාද..?
මේ කියන්න යන්නේ අන්න ඒ ගැන නැවතවරක් ඔබට සිහිපත් කරවන පුවතක්.. ඒ කතාව ඇසෙන්නේ බත්තරමුල්ල ප්රදේශයෙන්..
බත්තරමුල්ල , කොස්වත්ත ප්රදේශයේ බේකරි කැම අලෙවි කරන වෙළෙඳ සලකින් මාළු පාන් ගෙඩියක බෝල්ට් ඇණයක් තිබී ඇති බවට පුවතක් වාර්තා වෙනවා.
පුද්ගලයෙකු විසින් එය කෑමට මිලදි ගෙන ඇති අතර, එය තුළ තිබි බෝල්ට් ඇණයක් හමුවි තිබුණා.
පසුව ඔහු එය වෙළෙඳසල් හිමිකරුට පෙන්වා ඇති අතර හිමිකරු එය පිළි නොගැනීම නිසා බත්තරමුල්ල සෞඛ්ය වෛද්ය නිලධාරී කාර්යාලය වෙත ගොස් පැමිණිලි කර තිබෙනවා.
එහි නිලධාරීන් එම පුද්ගලයාාගෙන් කරණු විමසා මාළු පාන් ගෙඩියට මුද්රා තබා අදාළ බේකරි නිෂ්පාදන අලෙවි සැල වෙත ගොස් එහි ඇති අනෙකුත් කැම වර්ග ද පරීක්ෂාවට ලක් කර තිබෙනවා.
අදාළ ආයතනයේ හිමිකරු 16 වැනිදා කඩුවෙල මහෙස්ත්රාත් අධිකරණය වෙත ඉදිරිපත් කර ඇති අතර එහිදි ඔහුට රුපියල් තිස් දහසක දඩයක් නියම කෙරුණු බවයි වාර්තා වෙන්නේ.
