2027 දී පෙර පාසල්වලට මොකද වෙන්නේ? මෙන්න අලුත්ම ආරංචිය|Hiru TV Blog

2027 දී පෙර පාසල්වලට මොකද වෙන්නේ? මෙන්න අලුත්ම ආරංචිය

Monday, 16 March 2026 - 11:17 | Views - 121

ලංකාවේ පෙර පාසල් ක්ෂේත්‍රය උඩුයටිකුරු කරන දැවැන්ත වෙනසක් ගැන අග්‍රාමාත්‍ය ආචාර්ය හරිනි අමරසූරිය අද (15) විශේෂ හෙළිදරව්වක් කළා.

ඒ අම්බලන්තොට ප්‍රාදේශීය සභා ශ්‍රවනාගාරයේ පැවති උත්සවයකදී.

බොහෝ දෙනෙක් කාලයක් තිස්සේ බලාපොරොත්තුවෙන් හිටපු, හැබැයි කිසිම රජයකින් හරියට නොවෙච්ච වැඩක් ගැන අගමැතිනිය මෙහිදී අවධාරණය කළා.

අගමැතිනිය කියන විදිහට, 2027 වසරේ ඉඳන් ලංකාවේ පෙර පාසල් වලට අලුත්ම විෂය නිර්දේශයක් හඳුන්වා දෙනවා. "මෙච්චර කල් පෙර පාසල් ක්ෂේත්‍රය විධිමත් වෙලා තිබුණේ නැහැ. ඒක හිතන තරම් ලේසි වැඩක් නෙමෙයි, හැබැයි අපි ඒක කරනවා," ඇය ඉතා විශ්වාසයෙන් ප්‍රකාශ කළා.

පෙර පාසල් ගුරුවරුන්ගේ වෘත්තීයභාවය වර්ධනය කරලා, ඔවුන්ව නිසි වැටුප් තලයක පිහිටුවන්න රජය පියවරෙන් පියවර කටයුතු කරන බවත් මෙහිදී අනාවරණය වුණා. ඒ වගේම පෙර පාසල් නියාමනය කරන්න විශේෂ නියාමන අධිකාරියක් පිහිටුවන බවත්, ඩිප්ලෝමාව සඳහා පිළිගත් විෂය මාලාවක් දැනටමත් සකස් කර ඇති බවත් ඇය සඳහන් කළා.

2024 රට භාර ගන්නකොට තිබුණු ආර්ථික අර්බුදය ගැනත් අගමැතිනිය මෙහිදී මතක් කළා. "2025 වසර අපිට අභියෝගාත්මක වුණත්, දැන් රට ආර්ථික වශයෙන් ස්ථාවර මට්ටමකට ගේන්න අපිට පුළුවන් වෙලා තියෙනවා," ඇය වැඩිදුරටත් පැවසුවා.

Share This Article