ඝාතනයට ලක්වූ අයතුල්ලා අලි කමේනිගෙන් හිස්වුණු ඉරානයේ මීළඟ බලසම්පන්නම පුටුවට පත් වෙන්නේ කවුද කියන එක ගැන මුළු ලෝකයම බලාගෙන හිටියේ ලොකු කුතුහලයකින්.
ඔන්න දැන් ඒකට පිළිතුර ලැබිලා තියෙනවා කියලා විදෙස් මාධ්ය වාර්තා කරනවා.
පසුගිය 08 වැනිදා පැවැත්වුණු විශේෂඥයන්ගේ සභාවේ (Assembly of Experts)ඡන්ද විමසීමේදී, අලි කමේනිගේ පුත් මොජ්තාබා කමේනි (Mojtaba Khamenei) වැඩිම මනාප ලබාගනිමින් පෙරමුණට පැමිණ ඇති බවයි වාර්තා වෙන්නේ.
හුදෙක් පූජකවරයෙකුම පමණක් නොවෙයි, මොජ්තාබා කියන්නේ ඉරානයේ ආරක්ෂක අංශ ඇතුළේ ලොකුම "ගේම්" ගහපු, දැවැන්ත ව්යාපාරික ජාලයන් මෙහෙයවන ප්රබල චරිතයක්. පියා යටතේ සෙවණැල්ල වගේ ඉඳගෙන ආරක්ෂක අංශ පාලනය කරපු ඔහු, දැන් නිල වශයෙන්ම ඉරානයේ ඉරණම තීන්දු කරන තැනට ඇවිත් තියෙනවා.
විචාරකයින් පවසන්නේ මොජ්තාබාගේ මේ පැමිණීමත් එක්ක ඉරාන පාලනය තවදුරටත් දැඩි මතධාරීන් අතට පත්වෙනු ඇති බවයි. මේ තීරණය මැදපෙරදිග දේශපාලනයට මොන වගේ බලපෑමක් කරයිද? ඉරානය ඇතුළේ මොන වගේ පෙරළියක් වෙයිද? කියන එක ගැන දැන් මුළු ලෝකයම ඇස් ඇරගෙන බලාගෙන ඉන්නවා.
අන්තර්ගතය - රොයිටර් පුවත් සේවය