බීලා තියෙනවා ද "මසාලා චායි" ? ඔන්න දැන් විස්තරෙත් දැනගෙනම බොන්න පුළුවන්..|Hiru TV Blog

බීලා තියෙනවා ද "මසාලා චායි" ? ඔන්න දැන් විස්තරෙත් දැනගෙනම බොන්න පුළුවන්..

Tuesday, 16 December 2025 - 11:11 | Views - 284

මේ කියන්න යන්නේ ඉන්දියාවේ ගොඩක් ජනප්‍රියම පානයක් ගැන..

බටහිර ලෝකයේ චායි යන වචනය වඩාත් නිවැරදිව "මසාලා චායි" ලෙස හඳුන්වන ඉන්දියානු තේ වර්ගයක් වන සුවඳැති කුළුබඩු සමග සකස් කරන තේ වර්ගයක් වෙනවා... අප සාමාන්‍යයෙන් පානය කරන තේවලට වඩා මේ මසාලා චායිවලින් අපේ සෞඛ්‍යයට ලැබෙන හිතකර ප්‍රතිඵල බොහොමයක් තිබෙනවා.. දන්නවාද..? මේ මසාලා චායි බිව්වාම මෙන්න මේ විදිහේ ප්‍රතිලාභ ලැබෙනවා කියලා ඔයා දැනගෙන හිටියාද..? මේ කියන්න යන්නේ අන්න ඒ දේවල් ගැන..

ප්‍රතිඔක්සිකාරකවලින් පොහොසත්..

චායි, ප්‍රතිඔක්සිකාරක වල විශිෂ්ට ප්‍රභවයක් ලෙස සැලකෙනවා. එයට හේතුව වන්නේ මෙම තේ වර්ගය සකස් කිරීමට යොදා ගන්නා එනසාල් , කුරුඳු සහ කරාබු නැටි වල ප්‍රති ඔක්සිකාරක ඉහළ මට්ටමක පැවතීමයි. එමගින් ශරීරයෙ සෛලීය සෞඛ්‍ය ප්‍රවර්ධනය කරන අතර , සමහර රෝග සහ පිලිකාද අවම කරනවා.

හෘද සෞඛ්‍ය වැඩිදියුණු කරයි..

අධ්‍යයනවලින් පෙන්වා දී ඇති ආකාරයට චායි වල අඩංගු වන ප්‍රධාන අමුද්‍රව්‍යක් වන කුරුඳු මගින් රුධිර පීඩනය අඩුකළ හැකි වනවා.ඒ වගේම තත්වයේ පවතින කොලෙස්ටරෝල් මට්ටම ද පාලනය කිරීමට කුරුඳු වලට හැකියාව තිබෙනවා.ඊට අමතරව චායි සකස් කිරීමට භාවිතා කරන කළු තේ වලටද රුධිර පීඩනය සහ කොලෙස්ටරෝල් මට්ටම අඩු කිරීමේ හැකියාව පවතිනවා.

රුධිරයේ සීනි මට්ටම අඩු කරයි..

චායි වල අඩංගු වන ඉඟුරු සහ කුරුදු යන අමුද්‍රව්‍ය දෙක මගින් රුධිරයේ සීනි මට්ටමට හිතකර බලපෑම් එල්ල කල හැකි බව පර්‍යේශන මගින් සොයාගෙන තිබෙනවා.නමුත් නිවසේ දී සකස් කරගන්නා චායි වලට වඩා අවන්හල් වලින් ඔබ මිලදී ගන්නා චායි වල අධික ලෙස සීනි අඩංගු විය හැකි බැවින් චායි වල අඩංගු අමුද්‍රව්‍ය වල රුධිරයේ සීනි මට්ටම අඩු කිරීමේ ප්‍රතිලාභ ප්‍රතික්ෂේප විය හැකි නිසා නිවසේදීම ඔබට අවශ්‍ය ආකාරයට සෞඛ්‍ය ආරක්ෂිතව සකස් කරගන්නා චායි වලින් ඔබට හොඳ සෞඛ්‍යමය ප්‍රතිලාභ ලබාගත හැකි බව විශ්වාස කළ හැකියි

ඔක්කාරය සහ අජීරණ තත්වයන් අඩු කරයි..

චායි වල අඩංගුවන ඉඟුරු මගින් ඔක්කාරය සහ අජීරණය වැනි තත්ත්වයන් ඇතිවීම අඩු කරනවා.ඒ වගේම කුරුඳු, කරාබු නැටි සහ එනසාල් වල බැක්ටීරියා ආසාදන නිසා ඇතිවන ආහාර ජීර්ණ ගැටළු වළක්වා ගැනීමට උපකාරී වන ප්‍රතිබැක්ටීරීයා ගුණ අඩංගු වනවා.මේවා මගින් උදරයේ ඇති විය හැකි අජීරණ තත්වයන් බොහෝ දුරට අඩු කරනවා

බර අඩු කර ගැනීමට උපකාරී වෙයි..

චායි පානය කිරීම මගින් බර වැඩි වීම සහ මේදය අඩු කිරීම ක්‍රම කිහිපයකින් සිදු වනවා.පලමුව , චායි සාමාන්‍යයෙන් සකස් කරනු ලබන එළකිරි හෝ සෝයා කිරි යනු ප්‍රෝටීන් වලින් පොහොසත් ප්‍රභවයන් නිසා ඔබට නිතර කුසගිනි දැනීම සහ පූර්ණ බවක් දැනීම සිදුවන නිසා චායි පානය කිරිම මගින් ඔබේ බර අනවශ්‍ය ලෙස වැඩි වීම වළක්වනවා

චායි සෑදීමට භාවිතා කරන කළු තේ වර්ග වල අඩංගු සංයෝග, මේදය බිඳවැටීම ප්‍රවර්ධනය කරන අතර ඔබේ ශරීරය ආහාර වලින් අවශෝෂණය කර ගන්නා කැලරි ප්‍රමාණය අඩු කිරීමට උපකාරී වන බව පර්යේෂණ මගින් පෙන්නුම් කර තිබෙනවා.

Share This Article