තමන්ගේ අනියම් පෙම නිසා කුසින් වැදූ දරුවෙකුට මෙවැන්නක් සිදුවෙනතුරු මවකට බලා සිටිය හැකිද? මේ කියන්න යන්නේ මැදිරිගිරිය පැත්තෙන් අහන්න දකින්න ලැබුණු තවත් හද සංවේදී කරන කතාවක්.. මැදිරිගිරිය උදාරගම පදිංචි තරුණියකට දරුණු පිහි ඇනුමකට ලක්ව ජීවිතක්ෂයට පත්ව තිබෙනවා. මවගේ අනියම් පුරුෂයා විසින් තියුණු ආයුධයකින් ඇනීම නිසා ලත් බරපතළ තුවාල හේතුවෙන් මැදිරිගිරිය රෝහලට ඇතුළත් කිරීමෙන් අනතුරුව ඇය මෙලෙස මරුමුවට පත්ව ඇතැයි මැදිරිගිරිය පොලිසිය පවසන්නේ. මෙසේ මරුමුවට පත්ව ඇත්තේ මැදිරිගිරියේ උදාරගම පදිංචි දාහත් හැවිරිදි තරුණියක්. නිවසේදී ඇතිවූ ආරවුලක් අතරතුර මියගිය තරුණියට මවගේ අනියම් පුරුෂයා විසින් මෙසේ පිහියකින් ඇන ඇති අතර, සැකකරු මෙතෙක් අත්අඩංගුවට ගෙන නැහැ. පොළොන්නරුව ජ්‍යෙෂ්ඨ පොලිස් අධිකාරි බුද්ධික මනතුංගගේ උපදෙස් මත මැදිරිගිරිය පොලිස් ස්ථානාධිපති ප්‍රධාන පොලිස් පරීක්ෂක මනෝජ් ප්‍රේමලාල් ඇතුළු නිලධාරීහු වැඩිදුර පරීක්ෂණ සිදු කරනවා. දිවයින පුවත්පත ඇසුරෙන්..