ජීවිතයේ තවත් එක් සුවිශේෂී කඩයිමක් තමයි උසස්පෙළ කියන්නේ. මේ දවස්වල උසස් පෙළ විභාගයට මුහුණ දෙන බොහෝ දෙනෙක්ට මේ කියන්න යන ආරංචි ද්විත්වය නම් ඇත්තටම වැදගත් වේවි. මෙවර උසස් පෙළ විභාග කටයුතු අවසන් වීමට පෙර ඇගයීම් කටයුතු ආරම්භ කරන බව විභාග කොමසාරිස් ජනරාල් ඉන්දිකා කුමාරි ප්‍රකාශ කළා. විභාග මධ්‍යස්ථාන 2,362කදී ඊයේ ආරම්භ කළ උසස් පෙළ විභාගයේ දෙවන දිනය අදයි. එසේම මෙම කාලසීමාව තුළ සිසු දරුදැරි­යන්ට සහ විභාග රාජ­කාරි සඳහා සම්බන්ධ වන නිල­ධා­රීන්ට යම් ආපදා තත්ත්ව­යන් හේතු­වෙන් ඇති විය හැකි බාධා වළක්වා ගැනී­මට ආපදා කළ­ම­නා­ක­රණ මධ්‍ය­ස්ථා­නය සහ විභාග දෙපා­ර්ත­මේ­න්තුව එක්ව විශේෂ ඒකා­බද්ධ වැඩ­පි­ළි­වෙ­ළක් ක්‍රියා­ත්මක කර තිබෙනවා. විභාග කාල සීමාවේ ආප­දා­ව­ලින් අව­දා­න­මින් තොර පරි­ස­ර­යක් නිර්මා­ණය කරදීම සඳහා ඒ ඒ පාර්ශ්ව­කාර ආය­තන කට­යුතු කළ යුතු ආකා­රය ඇතු­ළත් මාර්ගෝ­ප­දේ­ශ­යක් නිකුත් කිරී­මට ද ආපදා කළ­ම­නා­ක­රණ මධ්‍ය­ස්ථා­නය කට­යුතු කර තිබුණා. යම් ආපදා තත්ත්ව­යක් හේතු­වෙන් විභා­ග­යට පෙනී සිටී­මට යම් බල­පෑ­මක් එල්ල විය හැකි සිසු දරු­වන්ට 117 දුර­ක­තන අංක­යට හෝ විභාග දෙපා­ර්ත­මේ­න්තුව විසින් හඳු­න්වාදී ඇති 1911 දුර­ක­තන අංක­යට හෝ ආපදා කළ­ම­නා­ක­රණ මධ්‍ය­ස්ථා­න­යෙහි හදිසි මෙහෙ­යුම් මැදි­රිය තුළ ස්ථාපිත කර ඇති ජාතික විභාග හදිසි මෙහෙ­යුම් ඒක­කය විශේෂ ඇම­තුම් අංක 113 668 026, 113 668 032, 113 668 087 සහ 113 668 119 යන දුර­ක­ත­න­ව­ලට දැනු­ම්දී­මෙන් අවශ්‍ය සම්බ­න්ධී­ක­රණ සහාය ලබා ගත හැකියි.