මේක ඇත්තෙන්ම ඉතිහාසගත ජයග්‍රහණයක්. Nvidia ලොව ප්‍රමුඛ පෙළේ සමාගමක් ලෙස මෙය කා අතරත් ජනප්‍රියයි. ඔබ දන්නවාද මේ වෙනකොට හැමෝම මේ සමාගම ගැන කතා කරන්නේ ඇයි කියලා. Nvidia, ලොව පළමු ඩොලර් ට්‍රිලියන 5 සමාගම බවට පත්ව තිබෙනවා. AI චිප් නිෂ්පාදනයේ දැවැන්තයා වන Nvidia සමාගම, ලොව ප්‍රථම වතාවට ඩොලර් ට්‍රිලියන 5 ක වෙළෙඳපොළ වටිනාකමක් (Market Capitalization) වාර්තා කළ සමාගම ලෙස ඉතිහාස ගත වී ඇති අතර, මෙය Nasdaq කොටස් වෙළෙඳපොළේ (Nasdaq-listed) ලැයිස්තුගත වූ සමාගමක් අත්කර ගත් ඉහළම වටිනාකම ද වෙනවා. ඉකුත් අඟහරුවාදා දිනයේදී Nvidia කොටස් මිල 5% කින් පමණ ඉහළ ගොස් ඇති අතර, ඩොලර් 201.03 ක වාර්තාගත ඉහළම අගයකට ළඟා වීමටද එහිදී හැකියාව ලැබී තිබෙනවා. මෙම තියුණු වර්ධනයට ප්‍රධාන හේතු වූයේ, Nvidia සමාගම සිය AI ප්‍රොසෙසර සඳහා ඩොලර් බිලියන 500 ක වටිනාකමකින් යුත් ඇණවුම් ලැබුණු බව නිවේදනය කිරීම සහ එක්සත් ජනපද බලශක්ති දෙපාර්තමේන්තුව (U.S. Department of Energy) සඳහා නව සුපිරි පරිගණක (supercomputers) හතක් නිපදවීමට සැලසුම් කිරීමයි.