ශරීරයේ ඇති ඉන්ද්‍රියන් අතරින් වැදගත්ම ඉන්ද්‍රියක් වෙන්නේ ඔබේ හදවතයි. ඉතින්  අපි හැමෝම හදවත රැකගතයුතුමයි.

අද අන්න ඒ වෙනුවෙන් විශේෂවුණු තවත් එක් දවසක්. මේ කියන්න යන්නේ අද දවස ගැන ඇසෙන වැදගත්කම ගැනයි.

හදවත් රෝග සම්බන්ධයෙන් ලෝකය දැනුවත් කිරිමේ අරමුණින් ලෝක හදවත් දිනය අද සමරනු ලබනවා.

ලොව වැඩිම පිරිසකට මරණය ගෙන දෙන රෝගී තත්ත්වයක් ලෙස හදවත් රෝග සැලකිය හැකි අතර මෙවර එහි තේමාව වන්නේ සෑම හෘද ස්පන්දනයක්ම වැදගත්.කිසිම හෘද ස්පන්දනයකට අකාලේ මිය යන්න දෙන්න එපා යන්නයි.

ලොව පුරා හෘද රෝග හේතුවෙන් සිදුවන මරණවලින් සියයට 80ක්ම වළක්වා ගත හැකි මරණ වනවා.

ලෝක හෘද දිනය වෙනුවෙන් කොළඹ විහාරමහාදේවී උද්‍යානයේ ඊයේ පැවති වැඩසටහනකට එක්වෙමින් හෘද රෝග විශේෂඥ වෛද්‍යවරුන්ගේ සංගමයේ සභාපති විශේෂඥ වෛද්‍ය සම්පත් විතානවසම් කියා සිටියේ සරල හා නිරෝගී දිවි පෙවෙතක් ගත කිරීම හරහා හෘද රෝග අවම කර ගැනීමට හැකියාව පවතින බවයි.

ව්‍යායාම, යහපත් ආහාර රටාව, දුම්පානයෙන් වැළකී සිටීම සහ ආතතිය ඇතිවන ක්‍රියාවන්ගෙන් වැළකීම මෙන්ම නිතිපතා කරන සෞඛ්‍ය පරීක්ෂාවන් ද මේ සඳහා වැදගත් වන බවයි ඔහු කියා සිටියේ.