එය අවධානය යොමුකළ යුතු මට්ටමක්.. රත්වුණු කාලගුණය ගැන මහජනතාවට අනතුරු ඇඟවීමක්..
මේ දවස්වල පවතින කාලගුණය ගැන ඔබ මීට වඩා අවධානයෙන් පසුවෙන එක ඇත්තටම වැදගත්.
මේ කියන්න යන්නේ අන්න ඒ ගැන ඇසෙන තවත් එක් විශේෂ කතාවක්.
දිවයිනේ ඇතැම් ප්රදේශවල උණුසුම අවධානය යොමු කළ යුතු මට්ටමක පවතින බව කාලගුණ විද්යා දෙපාර්තමේන්තුව පවසනවා. ඒ අනුව උතුරු, උතුරු මැද හා නැගෙනහිර පළාත්වලත් මොණරාගල හා හම්බන්තොට සහ ඇතැම් දිස්ත්රික්ක සඳහා මෙම කාලගුණය බලපැවැත්වෙනවා.
එම දෙපාර්තමේන්තුව සඳහන් කළේ දිගු වේලාවක් උණුසුමට නිරාවරණයවීම සහ විවිධ ක්රියාකාරකම්වල නිරත වීම හේතුවෙන් තෙහෙට්ටු තත්ත්වයක් ඇති විය හැකි බවයි.
එමෙන්ම විජලනය සහ ලවණ ඉවත්වීම නිසා මස්පිඩු පෙරළීම්ද ඇති විය හැකි අතර උණුසුම් කාලගුණයෙන් ආරක්ෂා වීමට අවශ්ය පියවර ගන්නා ලෙස ද සෞඛ්ය අංශ ජනතාවගෙන් ඉල්ලීමක් කර තිබෙනවා.