ඊට පිළියමක් අවශ්‍යයි. ඔවුන් ගත් මේ ක්‍රියාමාර්ගය සාර්ථක වේවිද?

බොහෝ දෙනා කතාබහ කළ ඒ සිද්ධියෙන් පස්සේ මේ ඇසෙන්නේත් ටිකක් වෙනස් විදිහක ආරංචියක්.

ඇල්ල වැල්ලවාය ප්‍රධාන මාර්ගයේ 15 කනුව ප්‍රදේශයේ දී 15කට මරු කැදවා 18 කට තුවාල සිදුවු ස්ථානයයේ පස්බැමි යොදා ආරක්ෂිත බැම්මක් ඉදි කළ බව ඌව පළාත් ආණ්ඩුකාර නීතිඥ කපිල ජයසේකර මහතා පවසනවා.

තංගල්ල නගර සභාවේ සේවක පිරිසක් පවුලේ උදවිය සමග විනෝද චාරිකාවක ගොස් ආපසු තංගල්ල බලා ගමන් කරමින් සිටියදි ඇල්ල වැල්ලවාය මාර්ගයේ දී ඉකුත් 4 වනදින රාත්‍රි එම විනෝද චාරිකා බස්‍ රථය අඩි දහසක පමණ ප්‍රපාතයකට පෙරලීයාමෙන් මෙම අනතුර සිදුව තිබුණා.

මෙම ස්ථානයේ මීට පෙරත් අනතුරු කීපයක් සිදු වී විශාල ජීව්ත රැසක් අහිමි වූ බවත් එම නිසා මාරක අනතුරු අවම කිරිමේ අරමුණින් මාර්ග සංවර්ධන අධිකාරිය සමග එක්වී මෙසේ මෙම ස්ථානයයේ පස්බැමි යොදා ආරක්ෂිත බැම්මක් ඉදිකර තිබුණා.

මේ අතර, එම මාරක අනතුරෙන් මියගිය පිරිසට පිං අනුමෝදන් කිරීම සහ තුවාල ලැබූවන්ට සෙත් පතා අනතුර සිදු වූ ස්ථානයේ සහ තංගල්ල නගර සභාව අසල මහ පිරිත් සජ්ජායනාවක් සහ පහන් පූජාවක් සංවිධානය කර තිබුණා.

ඇල්ල කොට්ඨාසයේ රාජ්‍ය ආයතන, ව්‍යාපාරික ප්‍රජාව ප්‍රදේශවාසින් එක්වී මෙම පිංකම සංවිධානය කර තිබුණ බවයි වාර්තා වෙන්නේ.