වෙනත් පාසල්වලට යන්න ඉන්න සියලු සිසුන්ට.. අලුත් උපදෙස් එක්ක නව චක්‍රලේඛයක්..|Hiru TV Blog

වෙනත් පාසල්වලට යන්න ඉන්න සියලු සිසුන්ට.. අලුත් උපදෙස් එක්ක නව චක්‍රලේඛයක්..

Thursday, 04 September 2025 - 15:03 | Views - 338

ඔන්න අලුත්ම ආරංචියෙන් අතරමැදි ශ්‍රේණිවල දරුවන්ගේ බලාපොරොත්තු ඉටුවෙන්නයි යන්නේ..

පාසල්වලට සිසුන් ඇතුළත් කිරීම සඳහා නව චක්‍රලේඛයක් නිකුත් කිරීමට අමාත්‍ය මණ්ඩලය අනුමැතිය

පාසල් වල 5 සහ 6 වන ශ්‍රේණි හැර 2 ශ්‍රේණියේ සිට 11 ශ්‍රේණිය දක්වා සිසුන් ඇතුළත් කිරීමට අදාළ ව මේ දක්වා නිකුත් කර ඇති චක්‍රලේඛ උපදෙස් අවලංගු කර ඒ සඳහා නව චක්‍රලේඛ උපදෙස් නිකුත් කිරීම පිණිස අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍ය වශයෙන් ගරු අග්‍රාමාත්‍යතුමිය ඉදිරිපත් කළ යෝජනාව අමාත්‍ය මණ්ඩලය විසින් අනුමතකරන කර තිබෙනවා.

ඒ යෝජිත නව අධ්‍යාපන ප්‍රතිසංස්කරණ ක්‍රියාත්මක කිරීම සඳහා පන්ති කාමරයක සිටින ශිෂ්‍ය සංඛ්‍යාව අනුමත සීමා තුළ පමණක් පවත්වා ගැනීම අත්‍යවශ්‍ය බවත් අධ්‍යාපනය සඳහා රටේ සියලුම දරුවන්ට පවතින අයිතිය තහවුරු කරමින් පාසල්වල 5 සහ 6 වන ශ්‍රේණි හැර අතරමැදි ශ්‍රේණි වලට සිසුන් ඇතුළත් කිරීමට අවස්ථාව ලබා දීම සඳහා නිසි ක්‍රම වේදයක් හඳුන්වා දීම සුදුසු බවත් හඳුනාගෙන ඇති පසුබිමකයි.

මෙම කරුණු සැලකිල්ලට ගනිමින්, අතරමැදි ශ්‍රේණි වලදී විවිධ හේතූන් මත දැනට ඉගෙනුම ලබන පාසලේ සිට වෙනත් පාසලකට ඇතුළත් වීමට සත්‍ය වශයෙන්ම අවශ්‍ය සිසුන් සඳහා ප්‍රමුඛතාව ලැබෙන පරිදි පාසල් අයදුම් කිරීමේ අවස්ථාව සලසා දීම පිණිස නව චක්‍රලේඛ උපදෙස් නිකුත් කිරීමටයි සැලසුම්කර ඇත්තේ.

Share This Article