ජනාධිපති අරමුදලේ සියලු සේවා අද සිට මාර්ගගත ක්රමයට..
ජනාධිපති අරමුදලේ සියලු සේවා අද සිට මාර්ගගත ක්රමය ඔස්සේ ක්රියාත්මක වනවා.
ජනාධිපති අරමුදලින් මහජනතාව වෙත වෛද්යාධාර ලබාදීමේ සේවාවට අයදුම්පත් භාර ගැනීම දිවයිනේ සියලු ප්රාදේශීය ලේකම් කාර්යාල හරහා සිදු කිරීම පසුගිය පෙබරවාරි 7 වන දා සිට ආරම්භ වුණා.
ජනාධිපති මාධ්ය ඒකකය සදහන් කළේ, එම වැඩසටහන ඉතා සාර්ථකව ක්රියාත්මක වන බැවින් ජනාධිපති අරමුදලේ අනෙකුත් සේවාද ඒ අයුරින් විමධ්යගත කිරීමට කටයුතු කරන බවයි ඒ අනුව දිළිඳුකම පිටුදැකීමේ සහනාධාර, අධ්යාපනික ශිෂ්යත්ව ප්රදානය, අධ්යාපනයෙහි දක්ෂතා දක්වන දරුවන් ඇගයීම, විශේෂ අවශ්යතා සහිත පුද්ගලයින්ට ලබාදෙන සහනාධාර, වන අලින්ගෙන් පීඩාවට පත් දරුවන් වෙනුවෙන් ලබා දෙන සහන දීමනා ඇතුලු කාණ්ඩ රැසක සේවා, මාර්ගගත ක්රමය ඔස්සේ මෙලෙස සැපයෙනු ඇති.
මීට අමතරව ජාතික වශයෙන් හෝ රට වෙනුවෙන් සේවය කළ පුද්ගලයන් ඇගයීම, හදිසි අනතුරු සහ ආපදා අවස්ථා සඳහා ලබාදෙන සහනාධාර ඇතුළු ජනාධිපති අරමුදල මගින් ක්රියාත්මක කරන සියලු වැඩසටහන්වලට මාර්ගගත ක්රමය හරහා අයදුම් කළ හැකියි.