මීළඟ පාප් වහන්සේගේ තෝරා ගැනීමේ අවස්ථාවට , මැල්කම් කාදිනල් රංජිත් හිමිපාණන් රෝමයට..
ස්වර්ගස්ථ වූ අති උතුම් ශුද්ධෝත්තම ෆ්රැන්සිස් පාප් වහන්සේගේ අවමංගල්ය උත්සවයට සහභාගී වීම සඳහා කොළඹ අගරදගුරු අති උතුම් මැල්කම් කාදිනල් රංජිත් හිමිපාණන් අද(23) පෙරවරුවේ ඉතාලිය බලා පිටත් ව ගියා.
ගුවන් තොටුපල වාර්තාකරු සඳහන් කළේ, උන්වහන්සේ උදෑසන 9.30ට පමණ ඉටිහාඩ් ගුවන් සේවයට අයත් යානයකින් අබුඩාබි නුවර වෙත ගොස් වෙනත් ගුවන් යානයකින් ඉතාලියේ රෝමය වෙත යාමට නියමිත බවයි.
පාප් වහන්සේගේ අවමංගල්ය උත්සවයට සහභාගී වීමෙන් අනතුරුව පැවැත්වෙන අභිනව පාප් වහන්සේ තෝරා ගැනීමේ අවස්ථාවට ද මැල්කම් කාදිනල් රංජිත් හිමිපාණන් එක්වනු ඇති.