පුංචි ඡන්දයට අදාළව පැමිණිලි 168ක්.. අපේක්ෂකයින් 18කුත් කූඩුවේ..
පළාත් පාලන ආයතන ඡන්ද විමසීම සම්බන්ධයෙන් මේ වනවිට පැමිණිලි 168ක් ලැබී ඇති බව පොලිසිය සඳහන් කර තිබෙනවා.
පොලිස් මාධ්ය කොට්ඨාසය සඳහන් කළේ, අපරාධමය පැමිණිලි 36ක් සහ මැතිවරණ නීති උල්ලංඝණය කිරීම සම්බන්ධ පැමිණිලි 132ක් ඒ අතර වන බවයි.
අදාළ පැමිණිලි සම්බන්ධයෙන් පුද්ගලයින් 79 දෙනෙකු අත්අඩංගුවට ගෙන ඇති බවද සඳහන් වුණා.
අත්අඩංගුවට ගත් පුද්ගලයින් අතර මෙවර පළාත් පාලන ආයතන මැතිවරණයට ඉදිරිපත් වී සිටින අපේක්ෂකයින් 18 දෙනෙකු වෙන බවද සඳහන් වුණා.