අමෙරිකාවේ නිව්යෝර්ක් හි හඩ්සන් ගඟට සංචාරකයින් පිරිසක් රැගත් හෙලිකොප්ටරයක් කඩාවැටීමෙන් සිදු වූ අනතුරකින් පුද්ගලයින් 6 දෙනෙකු මියගොස් තිබෙනවා.
ඊයේ (10) මෙම අනතුර සිදුව ඇති බවටයි විදෙස් මාධ්ය වාර්තා කරන්නේ.
මියගිය පුද්ගලයන්ගෙන් නියමුවා හැරෙන්න සෙසු 5 දෙනාම ස්පාඤ්ඤයේ සිට පැමිණි එකම පවුලේ සංචාරකයන් පිරිසක් බව ද සඳහන්.
අදාළ අනතුර සම්බන්ධයෙන් විශේෂ ප්රකාශයක් සිදුකරමින් නිව්යෝර්ක් පොලිස් කොමසාරිස්වරිය පවසා ඇත්තේ, මියගිය ඥාතීන්ගේ පවුල්වලට දැනුම් දෙන තුරු වින්දිතයින්ගේ අනන්යතා හෙළි නොකරන බවයි.
අනතුරට හේතුව මෙතෙක් අනාවරණය වී නොමැත.