සමකෝණී ත්‍රිකෝණයකි ඔබත්, මමත්, ඇයත් අතර.. සියල්ලන් පුදුමටයට පත් කරමින් තුන්කොන් ආදරයක් එකම දිනකදී සැබෑවක් වෙයි..|Hiru TV Blog

සමකෝණී ත්‍රිකෝණයකි ඔබත්, මමත්, ඇයත් අතර.. සියල්ලන් පුදුමටයට පත් කරමින් තුන්කොන් ආදරයක් එකම දිනකදී සැබෑවක් වෙයි..

Sunday, 30 March 2025 - 11:51 | Views - 211

ඒක හරි වෙනස් විදිහක විවාහයක්.. සංස්කෘතීන් අතර මොන වගේ මත තිබුණත්, අවසානයේ ඔහු ඔහුගේ ආශාව ඉටු කරගෙන.. මේ කියන්න යන්නේ අන්න ඒ ගැන ඇසෙන කතාවයි.. මේ අමුතු විවාහ මංගල්‍ය සිදුවුණේ අසල්වැසි ඉන්දියාවෙයි..

තමන් ආදරය කළ කාන්තාවන් දෙදෙනාම එකවර විවාහ කරගත් පුද්ගලයෙක් පිළිබඳව තොරතුරු වාර්තා වෙනවා...

ඒ අසල්වැසි ඉන්දියාවේ තෙලුන්ගානා අසිෆබාද් දිස්ත්‍රික්කයෙන්...

ලිංගපූර් මණ්ඩලයේ ගුම්නූර් ගම්මානයේ පදිංචි සූර්යදේව් නම් මෙම පුද්ගලයා පැවසුවේ තමා ලාල් දේවි සහ ජල්කාරි දේවි සමඟ ආදරයෙන් බැඳී සිටින බවත් ඔවුන් දෙදෙනාම එකම උත්සවයකින් විවාහ කර ගැනීමට තීරණය කළ බවයි..

මනාලයා තනි විවාහ ආරාධනා පත්‍රයක මනාලියන් දෙදෙනාගේම නම් පවා මුද්‍රණය කර මහා උත්සවයක් සංවිධානය කර තිබූ බවයි ඉන්දීය මාධ්‍ය වාර්තා කරන්නේ..

විවාහ මංගල්‍යයේ වීඩියෝවක දැක්වෙන්නේ කාන්තාවන් දෙදෙනා පුරුෂයාගේ අත අල්ලාගෙන සිටින අතර, තිදෙනා පවුල්, ඥාතීන් සහ ගම්වැසියන් ඉදිරියේ චාරිත්‍ර ඉටු කරන ආකාරයයි..

ගමේ වැඩිහිටියන් මුලින් අකමැත්තෙන් සිටියද අවසානයේ පැමිණ ඔවුන්ට විවාහ වීමට උදව් කළ බව සඳහන්..

ඉන්දියාවේ හින්දු භක්තිකයන් බහු විවාහ කටයුතු කිරීම නීති විරෝධී වුවත් එවැනි සිදුවීමක් සිදු වූ පළමු අවස්ථාව මෙය නොවේ...

2021 දී, තෙලන්ගානා හි ආදිලාබාද් දිස්ත්‍රික්කයේ තවත් පිරිමියෙක් එක් 'මණ්ඩපයක' කාන්තාවන් දෙදෙනෙකු විවාහ කර ගත් අතර උට්නූර් මණ්ඩලයේ උත්සවය පවුල් තුනේම කැමැත්ත ඇතිව සිදු වූ බව වාර්තා වෙනවා..

ඒ හා සමානව 2022 දී, ජාර්කන්ඩ් හි ලෝහර්ඩගා හි මිනිසෙක් තම පෙම්වතියන් දෙදෙනාම විවාහ කරගනු ලැබුවා..