මෝටර් රථ, දුම්වැටි, පැණිබීම සහ දුම්කොළ බද්දට අනුමැතිය..
Tuesday, 11 February 2025 - 15:11 | Views - 413

නිෂ්පාදන බදු (විශේෂ විධිවිධාන) පනතේ විධි විධාන පරිදි නිකුත් කරන ලද නියමය සහ සුරාබදු ආඥාපනතේ විධි විධාන පරිදි නිකුත් කරන ලද නිවේදනය ට කැබිනට් මණ්ඩලයේ අනුමැතිය හිමිව තිබෙනවා. ඒ මුදල්, ක්රම සම්පාදන සහ ආර්ථික සංවර්ධන අමාත්ය වශයෙන් ජනාධිපතිතුමා ඉදිරිපත් කළ යෝජනාවකට අනුවයි.
ඒ අනුව , මෝටර් රථ, දුම්වැටි, පැණිබීම සහ දුම්කොළ ඇතුළු රුපියල් වටිනාකමින් නිශ්චිතව දක්වා ඇති නිෂ්පාදන බද්දට යටත් සියලුම අයිතම් සඳහා වන නිෂ්පාදන බද්ද , 2025-01-11 දින සිට ක්රියාත්මක වන පරිදි 5.9%කින් වැඩි කරනු ලැබ තිබෙනවා.
එම තීරණය බලාත්මක කරමින් 1989 අංක 13 දරන නිෂ්පාදන බදු (විශේෂ විධිවිධාන) පනතේ 3 වන වගන්තිය යටතේ නිකුත් කරන ලද නියමය 2025-01-10 දිනැති අංක 2418/43 දරන අති විශේෂ ගැසට් නිවේදනය මඟින් ප්රකාශයට පත් කර තිබෙනවා.
එසේම, 2025 -01-11 දින සිට බල පැවැත්වෙන පරිදි මත් පැන් සඳහා වන සුරා බද්ද 5.9%කින් වැඩි කර ඇති අතර, ඒ සඳහා (52 වන අධිකාරය වූ) සුරාබදු ආඥාපනතේ 22 වන වගන්තිය යටතේ අංක 01/2025 දරන සුරාබදු නිවේදනය 2025-01-10 දිනැති අංක 2418/42 දරණ අති විශේෂ ගැසට් නිවේදනය මඟින් ප්රකාශයට පත් කර තිබෙනවා.
Share This Article