හෙට සිට ඇරඹෙන පෙරහුරු|Hiru TV Blog

හෙට සිට ඇරඹෙන පෙරහුරු

Tuesday, 28 January 2025 - 12:21 | Views - 210

පෙබරවාරි 04 වනදා පැවැත්වීමට නියමිත 77 වන ජාතික නිදහස් දිනය වෙනුවෙන් නිදහස් චතුරස්‍රය කේන්ද්‍ර කර ගනිමින් පවත්වනු ලබන නිදහස් සමරු උත්සවය සඳහා කොළඹ රථවාහන කොට්ඨාසය මගින් විශේෂ රථ වාහන සැලැස්මක් ක්‍රියාත්මක කිරීමට කටයුතු යොදා තිබෙනවා.

ඒ අනුව, මෙම පෙරහුරුවන් හෙට ( 29) සිට පෙබරවාරි 02 වනදා තෙක් සෑම දිනකම පැවැත්වීමට නියමිතයි.

එකී දිනවල උදෑසන 06.00 සිට දහවල් 12.00 දක්වා පහත සඳහන් මාර්ගයන් වසා තැබෙනු ඇති,

කුරුඳුවත්ත විජේරාම මාවතින් විද්‍යා මාවත දෙසට ඇතුල්වීම.

කුරුඳුවත්ත බෞද්ධාලෝක මාවතින් මේටිලන්ටි පෙදෙසට ඇතුල්විම.

කුරුඳුවත්ත බෞද්ධාලෝක මාවතින් ප්‍රේම කීර්ති ද අල්විස් මාවත දෙසට ඇතුල්වීම.

කුරුඳුවත්ත ස්ටැන්ලි විජේසුන්දර මාවතින් පදනම් ආයතන පාර දෙසට ඇතුල්වීම.

කුරුඳුවත්ත නිදහස් වටරවුමෙන් නිදහස් චතුරස්‍රය දෙසට ඇතුල්වීම.

කුරුඳුවත්ත හෝර්ටන් පෙදෙස මේටිලන්ටි ක්‍රසන්ටි හංදියෙන් නිදහස් වටරවුම දෙසට ඇතුල්වීම.

කුරුඳුවත්ත ආර්.ජී.සේනානායක මාවතින් මේටිලන්ඩි ක්‍රසන්ටි ඔස්සේ නිදහස් වටරවුම දෙසට ඇතුල්විම.

කුරුඳුවත්ත නිදහස් වටරවුම දෙසින් මේටිලන්ටි ක්‍රසන්ටි දෙසට ඇතුල්වීම තාවකාලිකව වසා දැමෙනු ඇති.

එහිදී, මෙම මාර්ගයන් පෙරහුරු පැවැත්වෙන කාල සීමාව තුලදී වසා තැබෙන අතර, අවස්ථානුකූලව එම ප්‍රදේශයේ පවතින රාජ්‍ය ආයතන සහ පෞද්ගලික ආයතවලට පැමිණෙන වාහන සඳහා පෙරහුරු රාජකාරියට බාධාවක් නොවන පරිදි ගමන් කිරිමට ඉඩ සලසා දිමට කටයුතු කරනු ලබන බවයි පොලිසිය නිවේදනය කළේ.

Share This Article