ශිෂ්‍යත්ව විභාගයේ කඩයිම් ලකුණු පසුකළ සිසුන්ගේ අඩුවක්..|Hiru TV Blog

ශිෂ්‍යත්ව විභාගයේ කඩයිම් ලකුණු පසුකළ සිසුන්ගේ අඩුවක්..

Friday, 24 January 2025 - 8:06 | Views - 675

දැඩි ආන්දෝලනයකට තුඩු දුන් 05 ශ්‍රේණිය ශිෂ්‍යත්ව විභාගයෙන් කඩයිම් ලකුණු අභිබවා යමින් ඉහළ ලකුණු ලබාගත් සිසුන් සංඛ්‍යාව 51,244ක් බව විභාග දෙපාර්තමේන්තුව පවසනවා.

එම දෙපාර්තමේන්තුව නිකුත්කළ නිවේදනයේ දැක්වෙන්නේ, ශිෂ්‍යත්ව විභාගයට විභාග අපේක්ෂකයින් 319,284 දෙනෙකු ඉදිරිපත් වී ඇති බවත්, ඉන් සිසුන් 268,040කට ශිෂ්‍යත්ව විභාගයෙන් තමන්ට හිමි කඩයිම් ලකුණු සීමාව ඉක්මවා යාමට නොහැකි වී ඇති බවයි.

පසුගිය වසරේ 05 ශ්‍රේණිය ශිෂ්‍යත්ව විභාගය යෙමු වී ඇති අයදුම් පත්‍ර සංඛ්‍යාව 323,900ක් බවද සඳහන්.

මේ අතර, ප්‍රතිඵල නැවත සමීක්ෂණය කිරීම සඳහා අභියාචනා කිරීමට විභාග දෙපාර්තමේන්තුව අවස්ථාව ලබා දී තිබෙනවා.

ඒ අනුව, ජනවාරි මස 27 වැනි දින සිට පෙබරවාරි මස 06 වැනි දින තෙක් අදාළ කාලසීමාව තුළ ඔන්ලයින් ක්‍රම වේදය ඔස්සේ පමණක් සිය අභියාචනා ඉදිරිපත් කළ යුතුවනවා.

ශිෂ්‍යත්ව විභාගය සමත් අඩු ආදායම්ලාභී පවුල්වල තෝරාගත් දරුවන් 20,000කට ශිෂ්‍යාධාර අරමුදල් හිමිවන අතර ඒ සඳහා ද අයදුම් කරන ආකාරය පහත දැක්වෙන නිවේදනයේ සඳහන් වෙනවා.

---------------------------------------

2024 වර්ෂයේ 5 ශ්‍රේණිය ශිෂ්‍යත්ව විභාගයේ ප්‍රතිඵල නිකුත් වී තිබෙනවා.

ඒ අනුව https://www.doenets.lk සහ www.results.exams.gov.lk යන සබැඳියට පිවිසීම හරහා ඔබට ප්‍රතිඵල ලබා ගත හැකියි.

පසුගිය සැප්තැම්බර් 15 වැනිදා පැවැත් වූ පහ ශ්‍රේණිය ශිෂ්‍යත්ව විභාගය සඳහා සිංහල මාධ්‍යයෙන් සිසුන් 244,092 ක් සහ දෙමළ මාධ්‍යයෙන් සිසුන් 79,787ක් ලෙස සිසුන් 323,879 දෙනෙකු ලියාපදිංචි වී තිබුණා.