හදින් හද කැටිව බැඳෙන සෙනෙහස සමඟින් සාමයේ පණිවිඩය රැගෙන ආ ඒ අසිරිමත් නත්තල අදයි..
මේ උදා වූ දවස හරිම විශේෂයි..
මීට වසර 2024කට පෙර ශුද්ධ වූ බෙත්ලෙහෙම නගරයේ දිළිඳු ගව ලෙනක උපන් ජේසු සමිඳාණන් සිහිපත් කෙරෙන ඒ අසිරිමත් නත්තල අද මැදියම් රාත්රියේදී උදා වුණා..
නත්තල පිළිගැනීම වෙනුවෙන් දිවයින පුරා විසිරී සිටින කිතුණු බැතිමතුන්, මහත් බැතියෙන් සූදානම් වන අතර ඒ වෙනුවෙන් ඔවුන්ගේ නිවැස් වගේම දේවස්ථාන වර්ණවත් ලෙස සැරසීම මේ උත්සව සමයේ විශේෂ අංගයක්..
එසේම දිවයිනේ බොහෝ නගර මෙන්ම ප්රසිද්ධ ස්ථාන රැසක් සාමයේ සුබ පණිවිඩය රැගෙන ආ ජේසු සමුඳුගේ උපත වෙනුවෙන් විචිත්රවත් වී තිබුණා.. ඒ අතර කාර්යබහුල කොළඹ නගරය විශේෂයි..
හදින් හද කැටිව බැඳෙන සෙනහස සමගින් සාමයේ පණිවිඩය රැගෙන එන ඒ අසිරිමත් නත්තල ඔබ සියලු දෙනාටම සාමය සතුට පිරි සුබ නත්තලක් වේවා.."