2025 අයවැය සකස් කිරීමට , අමාත්යාංශ මට්ටමෙන් සාකච්ඡා
Wednesday, 11 December 2024 - 10:42 | Views - 252
2025 වසරේ අයවැය ලේඛනය සකස් කිරීම සඳහා අමාත්යාංශ මට්ටමෙන් සිදුකරන පූර්ව සාකච්ඡා ජනාධිපති අනුර කුමාර දිසානායකගේ ප්රධානත්වයෙන් ඊයේ (10) ආරම්භ කර තිබෙනවා.
ඒ අනුව, අධ්යාපන අමාත්යාංශ වැය ශීර්ෂයට අදාළ අයවැය යෝජනා පිළිබඳ සාකච්ඡාවක් ජනාධිපති කාර්යාලයේදී ඊයේ පැවැත්වුණා.
මෙම සාකච්ඡාව සඳහා අධ්යාපන, උසස් අධ්යාපන සහ වෘත්තීය අධ්යාපන අමාත්ය, අග්රාමාත්ය ආචාර්ය හරිනි අමරසූරිය සහ අමාත්යාංශයේ උසස් නිලධාරීන් පිරිසක් එක්ව සිටි අතර, කෘෂිකර්ම, පශු සම්පත්, ඉඩම් සහ වාර්මාර්ග අමාත්යාංශයේ වැය ශීර්ෂයට අදාළ අයවැය යෝජනා පිළිබඳ සාකච්ඡාව ද ඊයේ පැවැත්වුණා.
එසේම, සෞඛ්ය හා ජනමාධ්ය අමාත්යාංශ වැය ශීර්ෂයට අදාළ අයවැය යෝජනා පිළිබඳ සාකච්ඡාව අද (11) දිනයේ පැවැත්වීමට ද නියමිතයි.
ඒ සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස, ජනාධිපති ලේකම් ආචාර්ය නන්දික සනත් කුමානායක, මුදල් අමාත්යංශයේ ලේකම් මහින්ද සිරිවර්ධන යන අය ඇතුළු අමාත්යාංශයේ උසස් නිලධාරීන් පිරිසකගේ සහභාගීත්වයෙන්.
Share This Article