ඉහළටම ගිය අවදානම , හැංගි හැංගි වෙස් බැන්දා නම් ඔයාත් අනතුරේ..
Friday, 29 March 2024 - 12:25 | Views - 473
මෙරට තුළ පසුගිය වසරට සාපේක්ෂව HIV ආසාදිතයින් ඉහළ ගොස් ඇති බව විශේෂඥ වෛද්ය ජානකී විදානපතිරණ පවසනවා.
ඇය මේ බව සඳහන් කළේ, කොළඹ පැවති මාධ්ය හමුවකට එක්වෙමින්.
අවුරුදු 20ත් 30ත් අතර වයසේ පසුවන පිරිස මෙයට ගොඳුරු වීමේ වැඩිවීමක් දක්නට ලැබෙන බවයි ඇය වැඩිදුරටත් සඳහන් කළේ.
කෙසේ වෙතත්, කුරුණෑගල නගරය ආශ්රිතව පවත්වාගෙන යනු ලබන සම්බාහන මධ්යස්ථානවල සේවය කරන කාන්තාවන්ද එච් අයි වී වෛරසය වැළදී ඇති බවට සැක කෙරෙන බැවින් ඔවුන් සියලු දෙනා පරීක්ෂාවට ලක් කිරීමට පොලිසිය තීරණය කර තිබෙනවා.
මේ වන විටත් කුරුණෑගල නගරය ආශ්රිතව සම්බාහන මධ්යස්ථාන 60 පමණ පවත්වාගෙන යනු ලබන අතර, එම සියලු සම්බාහන මධ්යස්ථානවල කාන්තාවන් පරික්ෂාවට ලක් කිරීමට පසුබිම් වී ඇත්තේ මීගමුව ප්රදේශයේ සම්බාහන මධ්යස්ථානවල සේවය කළ තරුණියන් දෙදෙනෙකුට එච් අයි වී ආසාධනය වී ඇති බවට තහවුරු වීමත් සමඟ බවයි සඳහන් වන්නේ.
ඒ අනුව, පොලිසිය කුරුණෑගල ශික්ෂණ රෝහලේ ලිංගාශ්රිත රෝග මර්දන ඒකකයේ සහය ඇතිව සම්බාහන මධ්යස්ථානවල සේවය කරන කාන්තාවන් පරීක්ෂා කිරීමටයි තීරණය කර තිබෙනවා.
Share This Article