ඉහළ ගිය මිලයන් අතර පහළට ආ මිල..
කුකුළු මස් කිලෝවක තොග මිල මේ වනවිට රුපියල් 200 කින් පහළ ගොස් ඇති බවට සමස්ත ලංකා කුකුළු ව්යාපාරිකයින්ගේ සංගමය පවසනවා.
එහි සභාපති අජිත් ගුණසේකර කියා සිටියේ කුකුළු මස් කිලෝවක් 1450 ක් දක්වා මිල පහත බැස ඇති බවයි.
මේ අතර, එළවළු මිල ගණන් තවදුරටත් ඉහළ අගයක පවතිනවා.
මැනිං වෙළදපොල සංගමයේ සභාපති එච්.එම් උපසේන සඳහන් කළේ පසුගිය දිනවල පැවති වර්ෂාව හේතුවෙන් එළවළු මිල ගණන් ඉහළ ගොස් ඇති බවයි.
එමෙන්ම, පළතුරු මිල ගණන්ද ඉහළ අගයක පවතින බවයි මැනිං වෙළදපොල සංගමයේ සභාපතිවරයා වැඩිදුරටත් සදහන් කළා.