සාගර පත්ලේ ඇති ටයිටැනික් නෞකාවේ සුන්බුන් නැරඹීම සඳහා අඩි 13,000ක් කිමිදෙමින් සිටි ටයිටන් සබ්මර්සිබල් යානයේ “ව්යසනකාරී පිපිරීමකින්” එහි ගමන්ගත් පස් දෙනා මිය ගිය බවට විශ්වාස කරන බව ඇමරිකානු වෙරළාරක්ෂක නිළධාරීන් ප්රකාශ කර තිබෙනවා.
ඔවුන් මේ බව හෙළි කළේ දින පහක් තිස්සේ සිදු කළ සෝදිසි මෙහෙයුමේදී ටයිටැනික් නෞකාවේ සිට අඩි 1,600 ක් පමණ දුරින් සාගර පත්ලේ දී ටයිටන් සබ්මර්සිබල් යානයේ වලිගය වැනි කොටස සහ අනෙකුත් සුන්බුන් සොයා ගැනීමෙන් පසුවයි.
Victor 6000' නමැති මෙම අධි තාක්ෂණික යන්ත්රය මෙහෙයුමට ලබා දුන්නේ ප්රංශය විසිනුයි.
කෙසේ වෙතත්, ප්රංශයේ සහ එක්සත් රාජධානියේ සිට යැවුනු තාක්ෂණික උපකරණ මෙහෙයුම් භූමියට ලැබෙන විට බොහෝ ප්රමාදව තිබුණු බව හෙළි වී තිබෙනවා.
මෙම යන්ත්රය මගින් මුහුදු පතුලේ සිට සම්ප්රේෂණය කරන ලද ඡායාරූපවල සුන්බුන් කොටස් බවට හඳුනාගත හැකි කොටස් තිබුණු බව වාර්තා වී තිබෙනවා. 'Victor 6000 ROV' යන්ත්රයට මුහුදු පතුලේ සිටම සුන්බුන් ඉවත් කිරීම, සුන්බුන් කැපීම වැනි දේ කිරීමට හැකියාව පවතින නිසා මෙම හඳුනාගත් කොටස් තහවුරු කිරීමේදී වැඩි සහායක් ලබා ගතහැකි බව පැවසෙනවා.