බහුතර පිරිසකට කොරෝනා එන්නතේ මාත්රා දෙක ම ලබා දුන් පසු ව වුව ද වෛරසය සම්බන්ධයෙන් මතුවන තත්වයන් පිළිබඳව ද සෞඛ්ය අංශ අවධානයෙන් සිටිය යුතු බව ජනාධිපති ගෝඨාභය රාජපක්ෂ ප්රකාශ කළා.
ඊයේ පැවති කොවිඩ් මර්දන විශේෂ කමිටු රැස්වීමේ දී ජනාධිපතිවරයා මේ බව සඳහන් කළ අතර විශේෂඥ වෛද්ය ප්රසන්න ගුණසේන, සහ අමාත්යවරුන් වන බැසිල් රාජපක්ෂ , මෙන්ම ආචාර්ය බන්දුල ගුණවර්ධන ද එහිදී අදහස් පළ කළා.
දැනට ක්රියාත්මක නිරෝධායන ඇඳිරිනීතිය ලබන සැප්තැම්බර් 6 වන සඳුදා අලුයම 4 දක්වා දීර්ඝ කිරීමට මෙම රැස්වීමේ දී තීරණය කෙරුණා.
නිරෝධායන ඇඳිරි නීතිය දීර්ඝ කළ ද අත්යවශ්ය සේවා ඇතුළු රැකියා කටයුතු සඳහා තවදුරටත් අවසර හිමිවන බවයි යුධ හමුදාපති ජෙනරාල් ශවේන්ද්ර සිල්වා කියා සිටියේ.
මේ අතර තොග වෙළඳාම සඳහා පමණක් ආර්ථික මධ්යස්ථාන අද සහ හෙට විවෘත ව තැබෙනවා.