අන්සතු බැංකු ගිණුම්වලින් රුපියල් මිලියන 17 ක මුදලක් තමන්ගේ ගිණුම්වලට බැර කරගත් වවුනියාව වෙප්පන්කුලම ප්රදේශයේ තරුණයකු ඉකුත් 23 දා පොලිස් අපරාධ විමර්ශන අංශය විසින් අත්අඩංගුවට ගෙන තිබෙනවා.
ඔහු මෙම මුදල් වංචාව සිදුකොට ඇත්තේ අන් අයගේ බැංකු ගිණුම් පිළිබඳව විස්තර සොරා ගෙන අන්තර්ජාලය ඔස්සේ එම ගිණුම්වලට රිංගා ඒවායෙහි තිබූ මුදල් ඔහුගේ බැංකු ගිණුම් වෙත මාරුකර ගනිමින් බවයි සඳහන් වන්නේ.
එසේ මාරු කරගන්නා ලද මුදල් සැකකරු විසින් තැන්පත් කොට ඇත්තේ ඔහුගේ නමින් ඇමරිකා එක්සත් ජනපදයේ බැංකුවක ආරම්භ කොට තිබූ ගිණුමකට බවද වැඩිදුරටත් සඳහන්.
වයස අවුරුදු 29 ක් වූ මෙම තරුණයා පසුගිය වසරේ අපේ්රල් මාසයේදී රුපියල් මිලියන 140 ක ප්රමාණයක් ඔහුගේ ගිණුම්වලට බැරකර ඇති සිද්ධියක් සම්බන්ධයෙන් පොලිස් අපරාධ විමර්ශන අංශය විසින් සිදු කරන ලද විමර්ශනයකින් පසුව ඔහුව සැකපිට අත් අඩංගුවට ගෙන තිබෙනවා.