රෝහින්‍යා සන්නද්ධ කණ්ඩායම්වලට චෝදනා කරමින් වීඩියෝ පටයක් නිර්මාණය කිරීම හේතුවෙන් "රූ රැජින සම්මානය" අහිමිවූ රූ රැජිනක් පිළිබඳව විදෙස් මාධ්‍ය වාර්තා කර තිබෙනවා.

Shwe Eain Si නමැති 19 හැවිරිදි ඇය විදෙස් මාධ්‍ය වෙත ප්‍රකාශ කර ඇත්තේ සංවිධායකයන් විසින් අදාළ වීඩියෝව හරහා කොන්දේසි උල්ලංඝනය වී ඇති බවට දැනුම් දී ඇය ජයග්‍රහණය කර තිබූ රූ රැජින කිරුළ අහෝසි කර ඇති බවයි.

ඇය වැඩිදුරටත් ප්‍රකාශ කර ඇත්තේ පුරවැසියකු හැටියට ජාතිය වෙනුවෙන් ඇත්ත කතා කිරීම සඳහා සිය සමාජ බලය පාවිච්චි කිරීමට තමා බැඳී සිටින බවයි.

'අර්සා' සන්නද්ධ කණ්ඩායම් මියන්මාර් ආරක්ෂක මුර පොළවලට එල්ල කරන ලද ප්‍රහාර සමඟ පසුගිය අගෝස්තු 25 දා පටන් 'රකයින්' පළාතේ පැතිර ගිය ප්‍රචණ්ඩ ගැටුම් නිසා ලක්ෂ පහකට අධික රෝහින්ග්‍යා ජනතාව අසල්වැසි බංග්ලාදේශයට පළාගියා.

කෙසේ වෙතත් ඒ පිළිබඳව අදහස් දක්වමින් මියන්මාර හමුදාව ප්‍රකාශ කරන්නේ තම ඉලක්ක බවට පත්ව ඇත්තේ රෝහින්ග්‍යා සන්නද්ධ කණ්ඩායම් පමණක් බවයි.

මෙම තත්වය පිළිබඳව Shwe Eain Si විසින් සැකසූ වීඩියෝව පහතින්.