මව්කිරි දීමේ සතිය වෙනුවෙන් දිවයින පුරා විශේෂ වැඩසටහන් රැසක්.. ඉදිරි සතිය තුළ ක්‍රියාත්මක වන වැඩපිළිවෙළ මෙන්න.|Hiru TV Blog

මව්කිරි දීමේ සතිය වෙනුවෙන් දිවයින පුරා විශේෂ වැඩසටහන් රැසක්.. ඉදිරි සතිය තුළ ක්‍රියාත්මක වන වැඩපිළිවෙළ මෙන්න.

Saturday, 01 August 2026 - 14:34 | Views - 55

ලෝක මව්කිරි දීමේ සතියට සමගාමීව අගෝස්තු 01 වැනිදා සිට 07 වැනිදා දක්වා කාලය මෙරට මව්කිරි දීමේ සතිය ලෙස ප්‍රකාශයට පත් කිරීමට පියවර ගත් බව ශ්‍රී ලංකා පවුල් සෞඛ්‍ය කාර්යාංශයේ ළමා පෝෂණ ඒකකයේ ප්‍රජා වෛද්‍ය විශේෂඥ හිරන්‍යා ජයවික්‍රම සඳහන් කළා.

සෞඛ්‍ය ප්‍රවර්ධන කාර්යාංශයේ පැවති ප්‍රවෘත්ති සාකච්ඡාවකට එක්වෙමින් ඇය වැඩිදුරටත් කරුණු පෙන්වා දුන්නා.

මව්කිරි දීම මගින් දරුවාගේ පෝෂණය, රෝග නිවාරණ හැකියාව සහ මව හා දරුවා අතර ඇති වන මානසික සබඳතාව තහවුරු වන ආකාරය පිළිබඳව සමාජය දැනුවත් කිරීම මෙහි ප්‍රධාන අරමුණ බව වාර්තා වනවා.

එමෙන්ම මෙම සතිය පුරාවට දිවයින පුරා පිහිටි සෞඛ්‍ය වෛද්‍ය නිලධාරී කොට්ඨාස මට්ටමින් සහ රෝහල් පාදක කරගනිමින් විශේෂ දැනුවත් කිරීමේ සහ උපදේශන වැඩසටහන් සංවිධානය කර ඇති බවද ප්‍රකාශ කළා.

ලෝක මව්කිරි දීමේ සතියට සමගාමීව මව්කිරි දීමේ වැදගත්කම සහ එහි පෝෂණ ප්‍රතිලාභ පිළිබඳව සෞඛ්‍ය අංශ පුළුල් දැනුවත් කිරීම් සිදු කළා.

දරුවෙකුගේ ජීවිතයේ පළමු මාස හය තුළ මව්කිරි පමණක් ලබා දීම අත්‍යවශ්‍ය අතර මව්කිරි මඟින් දරුවාගේ ප්‍රතිශක්තිකරණ පද්ධතිය ශක්තිමත් වන බවට තොරතුරු වාර්තා වනවා.

එමෙන්ම, දරුවාගේ බුද්ධි වර්ධනයට සහ නිරෝගී වර්ධනයට මව්කිරි ඉමහත් දායකත්වයක් සපයන බව විශේෂඥයින් පෙන්වා දෙනවා.

මෙම සතිය තුළ දිවයින පුරා පිහිටි සෞඛ්‍ය වෛද්‍ය නිලධාරී කාර්යාල හරහා විශේෂ උපදේශන වැඩසටහන් ක්‍රියාත්මක කරන ලෙස බලධාරීන් ඉල්ලා සිටිනවා. සියලුම මව්වරුන් මේ සඳහා සක්‍රීයව දායක වන ලෙස සෞඛ්‍ය අංශ දැනුම් දුන්නා.