දරුවන්ගේ සෞඛ්ය ආරක්ෂාව වෙනුවෙන් ලොකු පියවරක්.. දිවයිනේ සියලු පාසල් සහ පෙර පාසල් ආශ්රිතව විශේෂ ඩෙංගු මර්දන වැඩසටහනක් අද ක්රියාත්මකයි.
ඩෙංගු ව්යාප්තිය වැළැක්වීමේ ජාතික වැඩසටහනට සමගාමීව දිවයිනේ සියලුම පාසල්, පෙරපාසල් සහ අධ්යාපන ආයතන ඉලක්ක කරගනිමින් අද (18) විශේෂ ඩෙංගු මර්දන වැඩසටහනක් ක්රියාත්මක කර තිබෙනවා.
මෙම විශේෂ පවිත්රතා සහ මර්දන වැඩසටහන නිසි පරිදි සංවිධානය කිරීම සඳහා අධ්යාපන අමාත්යාංශය විසින් සියලුම පළාත් අධ්යාපන බලධාරීන් වෙත විශේෂ චක්රලේඛයක්ද පසුගියදා නිකුත් කරනු ලැබුවා.
ඒ අනුව අද දිනයේ පාසල් සහ පෙර පාසල් පරිශ්රයන්හි මදුරුවන් බෝවන ස්ථාන හඳුනාගෙන ඒවා විනාශ කිරීමට පියවර ගැනෙනවා.
සෞඛ්ය අංශවල මැදිහත්වීමෙන් දිවයින පුරා ක්රියාත්මක කර ඇති විශේෂ ඩෙංගු මර්දන සතියේ 04 වැනි දිනයද අද (18) සනිටුහන් වනවා.
වර්ෂාපතනයත් සමඟ ඩෙංගු රෝගය ව්යාප්ත වීමේ අවදානම සැලකිල්ලට ගනිමින් මෙම මර්දන ක්රියාවලිය වඩාත් වේගවත් කර ඇති බව වාර්තා වුණා.