බොරතෙල් බැරලයක මිල පහළට
Wednesday, 28 June 2023 - 10:20 | Views - 2,434
ලෝක වෙළඳපොලේ බොරතෙල් බැරලයක මිල ඊයේ (27) දිනයේත් සුළු අඩුවීමක් පෙන්නුම් කළා.
ඒ අනුව, බ්රෙන්ට් වර්ගයේ බොරතෙල් බැරලයක මිල ඩොලර් 73ත් 74ත් ලෙසට සටහන් වූ අතර, ගතවූ දින හතර පුරාම පැවතියේ එම තත්ත්වයයි.
එසේම, අමෙරිකානු ඩබ්ලිව්.ටී.අයි. බොරතෙල් බැරලයක මිල ඩොලර් 70ට අඩු අගයක් සටහන් වී තිබුණා.
කෙසේ වෙතත්, ජූනි මස 3 වන සතිය තුළ බොරතෙල් මිල ගණන් මිශ්ර ක්රියාකාරීත්වයක් පෙන්නුම් කළ අතර, ජූනි 21 සහ 22 යන දිනවල ලෝක වෙළඳපොලේ බොරතෙල් මිල ඩොලර් 77 දක්වා ඉක්මවා ගියා.
චීනයේ ලිහිල් මුදල් ප්රතිපත්ති ක්රියාමාර්ග සමඟ ඉල්ලුමෙහි වර්ධනයක් පිළිබඳ මතුවූ අපේක්ෂා සහ එක්සත් ජනපද බොරතෙල් තොග හදිසියේ පහත වැටීම ද ඊට හේතුව බව යි විශ්ලේෂකයන් සඳහන් කළේ.
කෙසේ වෙතත්, ඉන්ධන සඳහා ඇති ඉල්ලුම පිළිබඳ වූ අවිනිශ්චිතතා හේතුවෙන් යළි මෙලෙස බොරතෙල් මිල ගණන් පහත වැටීමක් පෙන්නුම් කළා.
Share This Article