අද ඇරඹුණු සා.පෙළ
Monday, 29 May 2023 - 9:22 | Views - 483
2022 වසරට අදාළ සාමාන්ය පෙළ විභාගය දිවයින පුරා විභාග මධ්යස්ථාන 3,568 කදී අද(29) ආරම්භ වනවා.
එය ජුනි මස 08 වනදා දක්වා පැවැත්වීමට නියමිතයි.
ඒ සඳහා, අපේක්ෂකයින් හාරලක්ෂ 72,553 දෙනෙකු පෙනී සිටින බවයි විභාග කොමසාරිස් ජනරාල් අමිත් ජයසුන්දර සඳහන් කළේ.
විභාග කටයුතු සම්බන්ධීකරණ සඳහා මධ්යස්ථාන 536 ක් පිහිටුවා ඇති අතර විභාග රාජකාරි සඳහා 35,000 ක කාර්ය මණ්ඩලයක් යොදවා තිබෙනවා.
විභාග කටයුතු පෙරවරු 8.30ට ආරම්භ වන නිසාවෙන් ඊට පැය භාගයකට පෙර විභාග මධ්යස්ථානය වෙත පැමිණෙන ලෙසයි විභාග කොමසාරිස් ජනරාල්වරයා අපේක්ෂකයන්ගෙන් ඉල්ලා සිටියේ.
මේ අතර සාමාන්ය පෙළ විභාගය සඳහා විශේෂ පොලිස් ආරක්ෂාවක්ද යොදවා ඇති බවයි පොලිස් මාධ්ය ප්රකාශක ජ්යෙෂ්ඨ පොලිස් අධිකාරි නිහාල් තල්දූව සඳහන් කළේ,
එසේම, සිසුන්ට විභාග මධ්යස්ථාන වෙත යාමට සිසු සැරිය බස් සේවාව ක්රියාත්මකයි.
මේ අතර විභාගය පැවැත්වෙන දිනවල පාසල් නිල ඇඳුමින් පැමිණෙන සිසු සිසුවියන්ට ප්රමුඛතාව ලබාදෙන ලෙස ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න පෞද්ගලික මගී ප්රවාහන බස් රථ රියදුරන්ගෙන් ඉල්ලීමක් කර තිබෙනවා.
Share This Article