වෙන තරමක් කරදර වෙන්නේ එයාටමයි.. අරගලයේ ජීන් ඇන්ටිට මොනවාද ඒ පාර වෙලා තියෙන්නේ..|Hiru TV Blog

වෙන තරමක් කරදර වෙන්නේ එයාටමයි.. අරගලයේ ජීන් ඇන්ටිට මොනවාද ඒ පාර වෙලා තියෙන්නේ..

Tuesday, 23 May 2023 - 11:12 | Views - 636

පසුගිය සමයේ රටපුරා නම රැන්දූ අරගලයේ ප්‍රබල ක්‍රියාකාරිනියක වූ ජීන් ඇන්ටි සතුව තිබු රුපියල් එක්ලක්ෂ පනස්තුන්දහසක මූදලක් සොරා ගත් බවට සැකපිට ජින් ඇන්ටිගේ සැමියා බව කියන දයානන්ද පෙරේරා නැමති අය එඩේරමුල්ල පොලිසිය විසින් අත් අඩංගුවට ගෙන ඇති පුවතක් වර්ථා වේ.

ඔහුව මහර අධිකරණයට ඉදිරිපත් කිරීමෙන් පසුව රක්ෂිත බණ්ධනාගාර ගත කර රුපියල් ලක්ෂ 2 ශරීර ඇප මත මුදාහැරීමට මහර වැඩබලන මහේස්ත්‍රාත් වරයා 22 වනදා නියෝග කළේය.

අධික ලෙස මත්පැන් භාවිතයට හා සූදූවට ඇබ්බැහි වී සිටින සැකකරු එඩේරමූල්ල පොලිසියට ලද පැමිණිල්ලකට අනුව පසුගිය 8 වනදා අත් අඩංගුවට ගෙන මහර අධිකරණයට ඉදිරිපත් කිරීමෙන් පසු 22 වනදා තෙක් රක්ෂිත බණ්ධනාගාර ගත කර තිබිණි.

22 වනදා මෙම නඩුව යළි කැදවූ අවස්ථාවේදි අගතියට පත් අරගලයේ ක්‍රියාකාරිනියක වූ ජින් ඇන්ටි නමැත්තිය තමාගේ මුදල් සොරාගත් සැමියාට ඇප ලබා දිම සම්බන්ධයෙන් තමාගේ විරුද්ධතාවක් නැති බව විවෘත අධිකරණයේ ප්‍රකාශ කරන ලද අතර එම කරුණූ සලකා බැලූ මහර වැඩ බලන මහේස්ත්‍රාත් සමන් දිමූතු කුමාර පරණලියනගේ මහතා විසින් සැකකරුට දැඩි ලෙස අවවාද කර රුපියල් ලක්ෂ 2ක ශරීර ඇප මත ඔහුව මූදාහරින ලෙස නියෝග කරන ලදී.

රාගම සමූහ කේ.එස්.හැන්නදි
දිනමිණ

Share This Article