ඉදිරි දින කිහිපයේත් දිවයින පුරා වැසි
Wednesday, 03 May 2023 - 7:50 | Views - 692
දිවයිනේ බොහෝ ප්රදේශවල අද(03) දිනයේත් සවස් කාලයේ එනම්, ප. ව. 1.00 න් පමණ පසුව තැනින් තැන වැසි හෝ ගිගුරුම් සහිත වැසි ඇතිවන බව කාලගුණ විද්යා දෙපාර්තමේන්තුව පවසනවා.
බස්නාහිර සහ දකුණු පළාත්වලත් යාපනය, කිලිනොච්චි, මන්නාරම සහ පුත්තලම දිස්ත්රික්කවලත්, වෙරළබඩ ප්රදේශවල උදෑසන කාලයේ දී ද වැසි ඇති වීමට ඉඩ ඈති බවද එම දෙපාර්තමේන්තුව නිකුත් කළ නිවේදනයේ සඳහන්.
එමෙන්ම නැගෙනහිර සහ ඌව පළාත්වලත්, පොළොන්නරුව දිස්ත්රික්කයේ ත් ඇතැම් ස්ථාන වලට 100mm ක පමණ තරමක් තද වැසි ඇතිවිය හැකි බව ද සඳහන්.
එසේම, දිවයිනේ සෙසු ප්රදේශ වල ඇතැම් ස්ථාන වලටද 75mm ට වැඩි තරමක් තද වැසි ඇතිවිය හැකි බවත්, දිවයින පුරා දැනට පවතින වැසි තත්ත්වය ඉදිරි දින කිහිපයේදීත් බලාපොරොත්තු වන බවත් එම දෙපාර්තමේන්තු වැඩිදුරටත් සඳහන් කර තිබෙනවා.
තවද ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙසද දෙපාර්තමේන්තුව ජනතාවගෙන් ඉල්ලා සිටිනවා.
Share This Article