පිරිමි සුද්ද කරන , ලස්සන ගැහැණු|Hiru TV Blog

පිරිමි සුද්ද කරන , ලස්සන ගැහැණු

Wednesday, 12 April 2023 - 8:13 | Views - 330

උත්සව සමයේ කොළඹට පැමිණෙන පිරිමි පාර්ශ්වයන් ඉඟි බිඟි පා පාළු ස්ථාන කරා ගෙන ගොස් ඔවුන්ගේ දේපොළ කොල්ලකෑමේ සිදුවීම් රැසක් පොලිසියට වාර්තා වී තිබෙනවා.

මේ පිළිබඳව හෙළි වූයේ කෙසෙල්වත්ත පොලිසියේ නිළධාරීන් විසින් කොළඹ ප්‍රධාන මහේස්ත්‍රාත් අධිකරණයට සිදු කළ කරුණු දැක්වීමකදී යි.

මීට පෙරත් අපරාධ සම්බන්ධයෙන් දඬුවම් ලබා ඇති කාන්තාවන් හා පිරිමින්ගෙන් සැදුම්ලත් කණ්ඩායමක් විසින් මෙම ජාවාරම මෙහෙයවන බවට පොලිසිය අධිකරණයට කරුණු ඉදිරිපත් කර තිබෙනවා.

උත්සව සමයේ විකිණීම සඳහා භාණ්ඩ රැගෙන යෑමට එන ව්‍යාපාරිකයන්, අවුරුදු නිවාඩුව වෙනුවෙන් ගම්බිම් බලා පිට වන ආරක්ෂක අංශ සාමාජිකයන්, විවිධ කාර්යයන් සඳහා කොළඹ නගරය වෙත පැමිණෙන තරුණයන් මෙලෙස මංකොල්ලකෑමට හසු වී ඇති බවයි පොලිසිය පවසා ඇත්තේ.

පිරිමි පාර්ශ්වය ඉඟි බිඟි පා රවටා පාළු කඩ, අඳුරු තරප්පු ආදි ස්ථාන කරා ගෙන ගොස් ලිංගික ඇසුරක් පැවැත්වීමට මුලපුරන බව පෙන්වන මෙම කාන්තාවන් පිරිමි සතු දේ කොල්ලකන අතර එම ස්ථානවලට හැඩිදැඩි තරුණයෙක් කඩා පනින විට ඔහු තමන්ගේ සැමියා බව පවසමින් සැකකාරිය පලා යන බවටත් පොලිසියට වාර්තා වී තිබෙනවා.

මෙම කොල්ල කල්ලියේ සාමාජිකයන් කිහිපදෙනකුම පොලිසිය මඟින් මේ වනවිට අත්අඩංගුවට ගෙන අධිකරණයට ඉදිරිපත් කර රක්ෂිත බන්ධනාගාර ගත කර තිබෙන බවත් පොලිසිය සඳහන් කර තිබෙනවා.

Share This Article