විදුලි කප්පාදුවට එරෙහි පෙත්සමට දින නියමවෙයි
Monday, 06 February 2023 - 15:25 | Views - 688
ජාතික විභාග පැවැත්වෙන අවස්ථාවලදී විදුලි කප්පාදු කිරීම වැළැක්වීමේ නියෝගයක් නිකුත් කරන ලෙස ඉල්ලා ලංකා ගුරු සංගමය ගොනු කළ මූලික අයිතිවාසිකම් පෙත්සම සළකා බැලීම සඳහා ජූලි මස 14 වනදා කැඳවීමට ශ්රේෂ්ඨාධිකරණය නියම කළා.
එම පෙත්සම අද (06) සළකා බැලුනේ ප්රියන්ත ජයවර්ධන, අචල වෙංගප්පුලි සහ මහින්ද සමයවර්ධන යන ශ්රේෂ්ඨාධිකරණ විනිසුරු මඩුල්ල හමුවේයි.
මේ අතර උසස් පෙළ විභාග පැවැත්වෙන කාලසීමාව තුළ විදුලිය කප්පාදු කිරීම වැළැක්වීමේ නියෝගයක් නිකුත් කරන ලෙස ඉල්ලා මහජන උපයෝගීතා කොමිසම ගොනුකළ පෙත්සම මේ මස 8 වනදා යළි සළකා බැලීමට නියමිතයි.
අද එම පෙත්සම කැඳවනු ලැබුවේ සෝභිත රාජකරුණා සහ ධම්මික ගනේපොල යන අභියාචනාධිකරණ විනිසුරු මඩුල්ල හමුවේයි.
Share This Article