සිසිලන පද්ධතියේ දෝෂයක් හේතුවෙන් අක්රීය ව පවතින මහනුවර ජාතික රෝහලේ පිළිකා රෝගීන්ට විකිරණ ප්රතිකාර සිදුකරන ලීනියර් ඇක්සලේටර් යන්ත්රය තවමත් අළුත්වැඩියා නොකිරීම නිසා රෝගීන් දැඩි දුෂ්කරතාවයකට පත්ව සිටිනවා.
පසුගිය නොවැම්බර් 14 වනදා සිට අක්රීයව පවතින මෙම යන්ත්රයෙන් දිනකට පිළිකා රෝගීන් 80 දෙනෙකුට පමණ ප්රතිකාර කිරීමේ හැකියාව පවතිනවා.
කෙසේ වෙතත්, එය අක්රීය වීම හේතුවෙන් මේ වනවිට තාක්ෂණයෙන් ඉතා අවම සහ අඩු නිරවද්යතාවක් සහිත ප්රතිකාර යන්ත්රයක් වන “කොබෝට් 60” විකිරණ ප්රතිකාර යන්ත්ර යොදා ගනිමින් රෝගීන්ට ප්රතිකාර සිදුකරන බවයි වාර්තා වන්නේ.
අදාළ ලීනියර් ඇක්සලේටර් යන්ත්රයේ සිසිලන පද්ධතියේ නඩත්තු කටයුතු සඳහා සෞඛ්ය අමාත්යාංශය කිසිදු ක්රමවේදයක් සකස් නොකිරීම මෙම තත්ත්වයට හේතු වී ඇති බව සඳහන්.