ලාසා වෛරසය ආසාදනය වූ 105ක්
Monday, 23 January 2023 - 11:58 | Views - 516
ලාසා වෛරසය ආසාදනය වූ 105 දෙනෙකු නයිජිරියාවෙන් වාර්තා වී තිබෙනවා.
එම වෛරසය ආසාදිත බවට සැක කෙරෙන තවත් 369දෙනෙකු හඳුනාගෙන ඇති බවයි විදෙස් වාර්තා සඳහන් කළේ.
ජනවාරි මස 2 වැනිදා සහ 15 වැනිදා අතර, කාලය තුළ මෙම රෝගීන් වාර්තා වී ඇති අතර, නයිජිරියාවේ ප්රාන්ත 10ක එය ව්යාප්තව ඇති බවටයි පැවසෙන්නේ.
ඉබෝලා, මාබර්ග් වැනි මාරාන්තික වෛරසයක් වන මෙය මීයන් හරහා ව්යාප්ත වන අතර, මුල්වරට එය සොයා ගනු ලැබුවේ නයිජිරියාවේ ඊසානදිග බෝනෝ ප්රාන්තයෙන්.
ඒ, 1969 වසරේ දීයි.
උණ, හිසරදය, උගුරේ වේදනාව, කැස්ස, පාචනය, මාංශ පේෂි වේදනාව මෙන්ම, පපුවේ වේදනාව ද මෙම ලාසා රෝගයේ ලක්ෂණ බවයි විදෙස් වාර්තා සඳහන් කළේ.
Share This Article