YouTube, Facebook ඇතුළු සමාජ මාධ්ය නියාමනය සඳහා සිංගප්පූරුවේ දැනට භාවිත කරන විදුලි සංදේශ හා සමාජ මාධ්ය පනතට සමාන වන ආකාරයේ පනතක් මෙරටට හඳුන්වාදීමට ද ක්රියාකරන බව ජනාධිපති රනිල් වික්රමසිංහ පවසනවා.
ජනාධිපතිවරයා මේ බව පවසා සිටියේ, ඊයේ (06) ජනාධිපති ලේකම් කාර්යාලයේ දී පුවත්පත් කර්තෘවරුන් සහ විද්යුත් මාධ්ය ප්රවෘත්ති අධ්යක්ෂවරුන් සමග පැවති සාකච්ඡාවක දී යි.
ඇතැම් සමාජ මාධ්ය ක්රියාකරුවන්ගේ ක්රියාකලාපය සම්බන්ධයෙන් රජය අනුගමනය කරන වැඩපිළිවල පිළිබඳ මාධ්යවේදීන් ජනාධිපතිවරයාගෙන් විමසූ විට ජනාධිපතිවරයා ප්රකාශ කළේ, පුවත්පත් හා විද්යුත් මාධ්ය සඳහා ශ්රී ලංකාව තුළ නීති පැවතිය ද සමාජ මාධ්ය නියාමනය සඳහා එවැනි නීති රාමුවක් මෙරට තුළ නොමැති බැවින් නව පනතක් ගෙන ඒම සම්බන්ධයෙන් අවධානය යොමුව ඇති බවයි.
සිංගපූරුවේ දැනට භාවිත කරන විදුලි සංදේශ හා සමාජ මාධ්ය පනත තමන් ගෙන්වා ගත් බවත් එය අධ්යනය කර ශ්රී ලංකාවට ගැලපෙන ආකාරයේ නීති රාමුවක් සකස් කිරීම සඳහා ඉදිරියේ දී කටයුතු කිරීමට බලාපොරොත්තු වන බවත් ජනාධිපතිවරයා එහි දී ප්රකාශ කර තිබුණා.