පාසල්වලට ළමුන් ඇතුළත් කිරීම ගැන විශේෂ දැනුම් දීමක්
Monday, 12 December 2022 - 15:55 | Views - 1,519

පළමු ශ්රේණියට ළමුන් ඇතුළත් කිරීම, අදාළ පාසල් මඟින් පමණක් සිදු කෙරෙන අතර එම කටයුතු අධ්යාපන අමාත්යාංශය හරහා සිදු නොකෙරෙන බව නිවේදනය නිකුත් කරමින් අධ්යාපන අමාත්යාශය සඳහන් කළා.
එසේම 2022 අපොස සාමාන්ය පෙළ ප්රතිඵල මත උසස් පෙළ හැදෑරීම සඳහා අයදුම් කිරීමේ දී උසස් පෙළ විෂය ධාරාව නොමැති පාසල්වල සිසුන් විසින්, එම විෂය ධාරා ඇති පාසල් සඳහා ඉල්ලුම්පත්ර අදාළ පාසලට ම යොමු කිරීම සිදු කළ යුතු අතර අධ්යාපන අමාත්යාංශය වෙත අයදුම්පත් යොමු කිරීම සිදු නොකළ යුතු යැයි ද එම නිවේදනයේ සඳහන්.
2022 වර්ෂයේ අතරමැද පන්ති සඳහා සිසුන් ඇතුළත් කිරීම, මෙම වසරේ තුන්වන වාරය ආරම්භ වූ 2022.12.05 දින සිට නවතා තිබෙන බවද සඳහන්.
කෙසේ වෙතත්, 2023 වර්ෂයේ අතරමැද පන්ති සඳහා සිසුන් ඇතුළත් කිරීම සිදු කරනු ලබන්නේ, 2022 වර්ෂයේ තෙවන පාසල් වාරය අවසන් වන 2023 මාර්තු මස 24 දිනට පසු, පාසල්වල පවතින පුරප්පාඩු මත පාසල් වෙත යොමු කරනු ලබන අයදුම්පත් සලකා බැලීමෙන් අනතුරුව බවද අධ්යාපන අමාත්යංශය සඳහන් කළා.
මේ වන විට අධ්යාපන අමාත්යාංශය විසින් නිකුත් කරනු ලබන චක්රලේඛ අනුව පමණක් මේ සම්බන්ධයෙන් කටයුතු කරනු ලබනු ඇති.
Share This Article