රුසියා-යුක්රේන ගැටුම මැද තෙල් මිල වෙනස වෙයි ද?
Saturday, 03 December 2022 - 12:08 | Views - 2,738
ජී 07 සමුළුවේ රටවල් සහ එහි මිත්ර රටවල් රුසියාවේ තෙල් මිල සීමා කිරීම සඳහා නිල වශයෙන් අනුමැතිය ලබාදී තිබෙනවා.
ඒකාබද්ධ ප්රකාශනයක් නිකුත් කරමින් ජී 07 සමූහය ප්රකාශ කර ඇත්තේ ලබන 05 වැනිදා හෝ ඉන් පසු දිනක ඉතා කඩිනමින් මෙම තීරණය බලාත්මක කරන බවය.
රුසියානු බොරතෙල් බැරලයක මිල වෙළෙඳපොළේ මිලට වඩා 5%ක් අඩුවෙන් පවත්වාගෙන යා යුතු බවට එහිදී යෝජනා වී තිබෙනවා.
කෙසේවෙතත් තෙල් බැරලයකට ඩොලර් 60ට වඩා ගෙවීම් නතර කිරීමට යුරෝපා සංගමයට ද අවශ්යව පැවැති බව සඳහන් වනවා.
ඊයේ, (02) දිනයේ රුසියානු බොරතෙල් බැරලයක මිල ඩොලර් 64ක්ව තිබූ බව විදෙස් මාධ්ය වාර්තා සඳහන් කල අතර,
රුසියාව, යුක්රේන යුද්ධය හමුවේ ලාභ ලැබීම නැවැත්වීමේ අරමුණින් මෙම මිල සීමාව පැනවීමට කටයුතු කර ඇති බවටයි වැඩිදුරටත් සඳහන් වන්නේ.
Share This Article