ඉන්දුනීසියාවේ බටහිර ජාවා පළාතේ සිදුවූ භූ කම්පනයක් හේතුවෙන් මරණ 20ක් පමණ වාර්තා වී ඇතැ යි එරට නිලධාරීන් පවසනවා.
එම භූ කම්පනයේ ප්රබලතාව රික්ටර් මාපකයේ 5.6ක් ලෙස සටහන් ව තිබෙනවා.
ඒ හේතුවෙන් තවත් 300කට අධික පිරිසක් ද තුවාල ලබා ඇති බව යි වාර්තා වන්නේ.
භූ කම්පනය හේතුවෙන් දැඩි බලපෑමට ලක් වී ඇත්තේ, සියන්ජූර් නම් ප්රදේශය බවත් මෙම මරණ වාර්තා වී ඇත්තේ එක රෝහලකින් පමණක් බවත් බලධාරීන් පවසනවා.
UP DATE....
ඉන්දුනීසියාවේ භූ කම්පනයෙන් මියගිය සංඛ්යාව 44 දක්වා ඉහළට.
ඉන්දුනීසියාවේ ජාවා දූපත් ආශ්රිතව අද(21) දහවල් හටගත් භූ කම්පනයෙන් මියගිය සංඛ්යාව 44 දක්වා ඉහළ ගොස් තිබෙනවා.
තවත් 300 කට ආසන්න පිරිසක් තුවාල ලබා ඇති බවයි විදෙස් වාර්තා සඳහන් කළේ.
රිච්ටර් මාපකයේ ඒකක 5.6 ක ප්රබල භූ කම්පනයක් සටහන් වී ඇති අතර ඉන් සිදුවූ හානි පිළිබඳ තවදුරටත් නිසි තොරතුරක් වාර්තා වී නැහැ.