ඇමති ප්‍රසන්නගේ කෝපය ඇවිස්සු - ''කපුටා'' ආමන්ත්‍රණය|Hiru TV Blog

ඇමති ප්‍රසන්නගේ කෝපය ඇවිස්සු - ''කපුටා'' ආමන්ත්‍රණය

Saturday, 19 November 2022 - 16:27 | Views - 325

මන්ත්‍රීවරුන්ට කපුටා යනුවෙන් ආමන්ත්‍රණය කිරීම කැත පහත් වැඩක් බව ආණ්ඩු පක්ෂයේ ප්‍රධාන සංවිධායක අමාත්‍ය ප්‍රසන්න රණතුංග අද පාර්ලිමේන්තුවේදී සඳහන් කළා.

"ඔයා කතා කරන මන්ත්‍රීතුමාත් කාලයක් කපුටා පස්සේ ගියා" යැයිද ඔහු එහිදී සඳහන් කිරීමට අමතක කලේ නෑ.

ඇමති ප්‍රසන්න මෙසේ පැවසුවේ අයවැයට පෙර කපුටා ලංකාවට එන බවට සමගි ජන බලවේගය පක්ෂයේ පුත්තලම දිස්ත්‍රික් මන්ත්‍රී නිරෝෂන් පෙරේරා කළ ප්‍රකාශයෙන් අනතුරුවයි.

එසේම, අද මෙතන කතාකරන මන්ත්‍රීවරුන්ගේ පියවරුන් ඇතුළු ඥාතීන් මේ පාර්ලිමේන්තුවේ සිටි බවත් ඒ අය වගකීම ඉටු කළා නම් රටට මෙවැනි තත්ත්වයක් උදා නොවන බවත් මෙහිදී ඇමතිවරයා වැඩිදුරටත් සඳහන් කළා.

කෙසේ වෙතත්, පසුගිය දේශපාලන අර්බුදය අතරතුර පාර්ලිමේන්තු මන්ත්‍රී ධුරයෙන් ඉල්ලා අස්වූ හිටපු මුදල් අමාත්‍ය බැසිල් රාජපක්ෂ සැප්තැම්බර් මාසයේ දී ඇමරිකාව බලා පිටත් වුණා.

ඔහු එළැඹෙන ඉරිදා (20) යළි ශ්‍රී ලංකාවට පැමිණීමට නියමිත බව පොදුජන පෙරමුණු මහලේකම් සාගර කාරියවසම් ඊයේ සඳහන් කළා.

බැසිල් රාජපක්ෂ පෙරේදා රාත්‍රියේ ඇමරිකාවෙන් පිටත් වී ඇති අතර, නොවැම්බර් මාසයේ ජනාධිපතිවරණයට පෙර කළාක් මෙන් ශ්‍රී ලංකා පොදුජන පෙරමුණ ප්‍රතිව්‍යුහගත කිරීම ආරම්භ කරනු ඇතැ යි ද දේශපාලන ආරංචි මාර්ග සඳහන් කරනවා.

Share This Article