උත්සව සමයේ බිත්තර හිඟයක් ගැන රතු එළියක්
Monday, 14 November 2022 - 11:29 | Views - 280
බිත්තර මිලට පාලන මිලක් පැනවීම තුළින් බිත්තර නිෂ්පාදකයින් මේ වනවිට දැඩි අසරණතාවකට මුහුණු දී ඇති බව සමස්ත ලංකා කුකුල් ව්යාපාරිකයින්ගේ සංගමයේ සභාපති පවසනවා.
රට තුළ දැඩි ආහාර අර්බුදයක් පවා නිර්මාණය වී ඇති පසුබිමක බිත්තර නිෂ්පාදනය පවා පසුගාමී ස්වභාවයක් ගැනීම තුළින් තවදුරටත් ආර්ථික අර්බුදය ඔඩුදුවන බවයි සභාපතිවරයා පෙන්වා දෙන්නේ.
පසුගිය රජය සමයේ නිසි කලට පොහොර ලබානොදීම හේතුවෙන් ආහාර අර්බුදයකට මෙරට සමාජය ඇද වැටුණු බවත්, ගොවි ප්රජාව ද කබළෙන් ළිපට වැටී ඇති බවත් හෙතෙම අවධාරණය කරනවා.
බිත්තර වෙළෙඳපොළේ හිඟවීමට ප්රධානතම හේතුව වන්නේ එහි මිලට පාලන මිලක් රජය විසින් පනවනු ලැබීම බවයි සභාපතිවරයා වැඩිදුරටත් සඳහන් කරන්නේ.
එළෙඹෙන උත්සව සමයේ දී බිත්තර හිඟවීම තුළින් නුදුරේ දී බිත්තර නිෂ්පාදකයින් සිය ව්යාපාරවලින් පවා ඈත්වීමට ද ඉඩකඩ ඇති බව ද හෙතෙම පෙන්වා දෙනවා.
Share This Article